४ चैत्र २०८२, बुधबार
२०७९ फाल्गुन ८ गते, सोमबार ११:५० मा प्रकाशित
नेपाली कांग्रेसका सभापति शेरबहादुर देउवा लगायत नेपाली कांग्रेसका शीर्षस्थ नेताहरुको एक समुहले बालुवाटार पुगेर प्रधानमन्त्री पुष्पकमल दाहाल प्रचण्डलाई आइतबार अबेर राति भेटेका थिए ।
भेटघाटको क्रममा उनीहरुले प्रधानमन्त्रीसंग आसन्न राष्ट्रपति पदको निर्वाचनमा कांग्रेसको उम्मेदवारलाई सहयोग गर्न आग्रह गरेका थिए । प्रधानमन्त्री दाहालले आज सोमबार बस्ने माओवादी केन्द्रको पदाधिकारी बैठकमा कांग्रेसबाट आएको प्रस्तावबारे छलफल गर्ने आश्वासन दिएको बताइन्छ ।
यसैबीच, नेपाली कांग्रेसका प्रभावशाली नेताहरुले भेटघाट गरेको भोलिपल्ट बिहान प्रधानमन्त्री दाहालसंग उपप्रधान तथा अर्थमन्त्री विष्णु पौडेल तथा राष्ट्रिय स्वतन्त्र पार्टीका सभापति रवि लामिछानेले छुट्टा छुट्टै भेटघाट गरेका छन् ।
सोमबार बिहान अर्थमन्त्री पौडेल तथा लामिछानेले फरक–फरक समयमा प्रधानमन्त्रीसंग भेटवार्ता गरेको बताइन्छ ।
आफ्नो पार्टीका सभापति लामिछानेले प्रधानमन्त्रीसंग सोमबार बिहान गरेको भेटवार्तालाई रास्वपाका एक नेताले पुष्टि गर्दै पार्टी सभापतिले गठबन्धनको एक घटकको रुपमा राष्ट्रपति निर्वाचनको विषयमा चासो लिएको बताएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
