१२ मंसिर २०८१, बुधबार
२०७५ आश्विन १६ गते, मंगलवार ११:३८ मा प्रकाशित
नेपालीहरुको महान चाड दशैँ संघारमा आइसकेको छ । काठमाडौँबाट घर फर्कनेहरु धमाधम टिकट लिइरहेका छन् ।
तर, यहि बेला ७४ जिल्लाका मानिस काठमाडौँबाट बाहिरिन तथा आउन प्रयोग हुने मुख्य नाका नागढुंगा–पिपलामोड सडक खण्ड बन्द गरिएको छ । यो सडकखण्ड अबको एक सातासम्म रातिको समयमा बन्द हुनेछ ।
डिभिजन सडक कार्यालय काठमाडौ २ ले सडक मर्मत तथा सुधारका लागि भन्दै असोज १५ गतेदेखि २२ गतेसम्म प्रत्येक दिन बेलुका ८ बजेदेखि बिहान ५ बजेसम्म यो सडक खण्डमा सवारीसाधन चल्न रोक लगाइएको हो ।
डिभिजन सडक कार्यलयले उक्त समयमा सवारी व्यवस्थापन गरिदिन आग्रह गर्दै गर्दै ट्राफिक व्यवस्थापनको लागि ट्राफिक प्रहरीलाई समेत पत्र पठाएको छ ।
सोहीअनुसार ट्राफिक प्रहरीले गएराती सो सडक हुँदै सवारी साधन आवतजावतमा रोक लगाएको थियो । बिहान ५ बजेपछि सडक खुल्ला गरिएसँगै धादिङ्ग–नागढुङ्गा र थानकोट–कलंकी हुदै चल्ने सवारी साधन चापमा चलिरहेको ट्राफिक प्रहरी महाशाखाले जनाएको छ ।
रातको समयमा धादिङ्ग र थानकोट क्षेत्रमा रोकिएका सवारी साधन बिहान ६ बजे बाट मात्रै सुचारु हुँदा धादिङ देखी कलंकी सम्म सवारी चापको अवस्था सृजना भएको महाशाखाको भनाई छ ।
उक्त सडक खण्डको मर्मतको जिम्मा कृष कन्ट्रक्सनले लिएको छ । यो सडक हुँदै दैनिक हजारौँ सवारी साधन ओहोरदोहोर गर्ने गर्छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
