कारबाही गर्ने चेतावनी सहित महानगरले निकाल्यो छात्रवृत्ति नदिने विद्यालयको सूची

होमल्याण्ड खबर

२०८० जेष्ठ २३ गते, मंगलवार १२:५१ मा प्रकाशित

काठमाण्डौ महानगरपालिकाले  नियमअनुसार छात्रवृत्ति दिन अटेर गर्ने निजी विद्यालयको सूची सार्वजनिक गरेको छ ।

महानगरपालिकाले गएको १० गते सार्वजनिक सूचना निकालेर शैक्षिक सत्र २०८० मा कक्षा १० सम्मका विद्यार्थीलाई छात्रवृत्ति प्रदान गर्न र त्यसको विवरण वेबसाइटमा प्रकाशित गर्न भनेको थियो । सूचनाअनुसार विवरण पेस गरेका विद्यालयलाई महानगरले धन्यवाद दिएको छ भने नियम उल्लङ्घन गरेका तीन सय ४२ वटा विद्यालयको सूची सार्वजनिक गरेको छ ।

महानगरको शिक्षा विभागले सूची सार्वजनिक गरेका निजी विद्यालयलाई आउँदो २८ गते आइतवारभित्र छात्रवृत्ति दिएको विवरण पठाउन भनेको छ । तोकिएको मितिभित्र विवरण नबुझाए नियमअनुसार विद्यालयलाई दिइएको अनुमति वा स्वीकृति रद्द अथवा प्रचलित कानुन बमोजिम हदैसम्मको कारबाही गर्ने महानगरपालिकाले चेतावनी दिएको छ ।

सम्बन्धित खबर

प्रधानन्यायाधीश सिफारिसविरूद्ध सर्वोच्च अदालतमा रिट दायर

सरकारविरुद्ध सुकुम्बासीको थाल ठटाएर विरोध प्रदर्शन

राष्ट्रपति पौडेलले वैशाख २८ गते संघीय संसदका दुवै सदनको संयुक्त बैठकलाई सम्बोधन गर्ने

सुनचाँदीको मूल्य बढ्यो, कति पुग्यो ?

उपकुलपतिका लागि दरखास्त आह्वान

मन्त्रिपरिषद्को बैठक बस्दै