९ मंसिर २०८१, आईतवार
२०७५ आश्विन २६ गते, शुक्रबार १२:३१ मा प्रकाशित
गण्डकी विकास बैंकले आज एकैदिन २ शाखाको औपचारीक उद्घाटन गरेको छ ।
ताप्लेजुङ्ग स्थित फुङलिङ शाखाको उद्घाटन फुङलिङ नगरपालिकाका मेयर छत्रपति प्याकुरेल र महोत्तरी जिल्ला स्थित बर्दिबास शाखाको उद्घाटन बर्दिबास नगरापालिकाका मेयर विदुर कुमार कार्कीले गरे ।
फुङलिङ शाखाको उद्घाटन मन्तव्य दिनु हुँदै प्रमुख अतिथि छत्रपति प्याकुरेलले गण्डकी विकास बैंकलाई फुङलिङमा स्वागत गर्न पाउँदा अत्यन्तै खुसी लागेको बताए ।
उनले बैंक वित्तिय संस्थाको आगमनले ताप्लेजुङ्गबासीमा वित्तिय पहुँच विस्तार हुने बताउँदै बैंकको सफलताको शुभकामना दिए ।
बैंकका सञ्चालक पद्य प्रसाद पौडेलको अध्यक्षतामा भएको सो कार्यक्रममा ताप्लेजुङ्गका प्रमुख जिल्ला अधिकारी अनुज भण्डारी, ताप्लेजुङ्ग उ.वा संघका वरिष्ठ उपाध्याक्ष दिनेश अधिकारीले शुभकामना मन्तव्य राखे ।
यसै गरि बर्दिबास शाखाको उद्घाटन गर्दै बर्दिबास नगरपालिकाका मेयर विदुर कुमार कार्कीले गण्डकी विकास बैंकलाई बर्दिबासमा स्वागत गर्दै जनतालाई सरल र सहज रुपमा वित्तिय सेवा पुर्याउन आग्रह गर्दै बैंकको पूर्ण सफलताको कामना समेत गरे ।
बैंकका सञ्चालक नारायण बहादुर बाँनियाको अध्यक्षातामा भएको उद्घाटन कार्यक्रममा स्वागत तथा बैंकको वित्तिय गतिविधि बारेमा बैंकका प्रमुख कार्यकारी अधिकृत रेशम बहादुर थापाले जानकारी गराए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
