५ मंसिर २०८१, बुधबार
२०८० भाद्र १ गते, शुक्रबार १४:२८ मा प्रकाशित
सत्तारुढ दल नेकपा माओवादी केन्द्रले केन्द्रीय कमिटीमा दुईजना सदस्य थप गरेको छ । माओवादीले बाबुराम गौतम र अशोककुमार मण्डललाई पूर्ण केन्द्रीय सदस्यमा मनोनीत गरेको हो ।
केन्द्रीय सदस्यमा मनोनीत गौतम कोशी प्रदेशका निवर्तमान सभामुख हुन् । उनले मुख्यमन्त्री उद्धव थापालाई बहुमत पुर्याउन सभामुख पदबाट राजीनामा दिएका थिए । हाल उनी कोशी प्रदेश सरकारमा आर्थिक मामिला तथा योजनामन्त्री रहेका छन् ।
गौतमले कोशी प्रदेश सभामुखबाट राजीनामा दिएसँगै माओवादीले केन्द्रीय सदस्य बनाएको हो ।
यससँगै माओवादी केन्द्रीय सदस्य संख्या ४११ पुगेको छ । गत साउन १७ देखि २१ सम्म बसेको केन्द्रीय समिति बैठकमा विधान संशोधनपछि पार्टीले २४ जना केन्द्रीय सदस्य थप गरेको थियो ।
माओवादीले यससम्बन्धी जानकारी गराउँदै मातहतका कमिटीलाई सर्कुलर समेत पठाइसकेको बताइएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
