मलेसियाविरुद्ध टस हारेर ब्याटिङ गर्दै नेपाल

होमल्याण्ड खबर

२०८० भाद्र ८ गते, शुक्रबार १२:३९ मा प्रकाशित

मलेसियामा जारी चार देश सम्मिलित महिला टी-ट्वान्टी आई सिरिजमा नेपाल र मलेसियाबीचको खेल हुँदैछ।

बायोमास ओभलमा मलेसियाले टस जितेर बलिङ रोजेपछि नेपालले ब्याटिङ गर्ने भएको हो।

नेपालले टोलीमा एक परिवर्तन गरेको छ। ईश्वरी विष्ट प्लेइंग ११ बाट बाहिरिदा तीब्र गतिकी बलर अश्मिना कर्माचार्य टोलीमा फर्किएकी छिन् ।

आइसीसी महिला टी(ट्वान्टी विश्वकप एसिया क्षेत्र छनोट अघि नेपाल, मलेसिया, हङकङ र कुवेतले चार देश सम्मिलित सिरिज खेलिरहेको छ ।

नेपाल सिरिजको दुई खेल अपराजित रहेको छ । दुई खेलमा जित दर्ता गरेको नेपाल ४ अंक सहित फाइनल नजिक पुगेको छ । मंगलबार भएको पहिलो खेलमा नेपालले हङकङलाई पराजित गरेको थियो ।

बुधबार भएको दोस्रो खेलमा कुवेतलाई हराएको थियो । यस खेलमा जित निकाल्दै शीर्ष स्थानमा रहेर नेपाल फाइनल प्रवेश गर्न चाहन्छ ।

मलेसिया पनि नेपाललाई पराजित गरेर फाइनल प्रवेश गर्न चाहन्छ ।