१० मंसिर २०८१, सोमबार
२०८० आश्विन १२ गते, शुक्रबार १३:५४ मा प्रकाशित
शुक्रबार सुनको मूल्य घटेको छ भने चाँदीको मूल्य बढेको छ ।
नेपाल सुनचाँदी व्यवसायी महासंघका अनुसार शुक्रबार सुनको मूल्यमा तोलामा ८ सय रुपैयाँले घटेको छ भने चाँदीको मूल्य तोलामा २५ रुपैयाँले बढेको छ ।
आइतबार र सोमबार छापावाल सुनको प्रतितोला मूल्य १ लाख १२ हजार २०० रुपैयाँ थियो । मंगलबारदेखि घट्न लागेको सुनको भाउ त्यसयता निरन्तर ओरालो लागेको हो । मंगलबार ४ सय, बुधबार ८ सय, बिहीबार एक हजार ४ सय र शुक्रबार ८ सयले सुनको भाउ घटेको हो । चार दिनमा सुनको भाउ तोलामा ३ हजार ४ सय रुपैयाँले घटेको हो ।
शुक्रबार छापावाल सुनको प्रतितोला मूल्य एक लाख ८ हजार ८ सय, तेजावी सुनको मूल्य एक लाख ८ हजार ३ सय र चाँदीको मूल्य एक हजार ३९५ रुपैयाँ तोकिएको छ ।
बिहीबार छापावाल सुनको प्रतितोला मूल्य एक लाख ९ हजार ६ सय, तेजावी सुनको मूल्य एक लाख ९ हजार १ सय र चाँदीको मूल्य १ हजार ३७० रुपैयाँ तोकिएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
