९ मंसिर २०८१, आईतवार
२०८० आश्विन १४ गते, आईतवार १०:५९ मा प्रकाशित
चीनमा जारी १९औं एसियाली खेलकुदकाे क्रिक्रेटमा नेपालले माल्दिभ्सलाई १३८ रनले हराएको छ।
तीव्र गतिका बलर अभिनाश बोहराको कीर्तिमानी ६ विकेटसँगै नेपालले १९ औं एसियाली खेलकुद (एसियाड) मा माल्दिभ्समाथि १ सय ३८ रनको सानदार जित निकाल्दै क्वाटरफाइनलमा पुगेको छ ।
नेपालले दिएको २१३ रनको विशाल लक्ष्य पछ्याएको माल्दिभ्स १९.३ ओभरमा ७४ रन बनाउँदै अलआउट भयो ।
माल्दिभ्सका लागि मुआइयाथ घानीले सर्वाधिक ३३ रन बनाए । माल्दिभ्सलाई सस्तैमा समेट्ने क्रममा नेपालका लागि अविनाश बोहराले सर्वाधिक ६ विकेट लिए ।
यसअघि टस जितेर पहिला ब्याटिङ रोजेको नेपालले निर्धारित २० ओभरमा ७ विकेट गुमाएर २१२ रनको विशाल योगफल तयार पारेको थियो ।
नेपालका लागि कप्तान रोहित पौडेलले सर्वाधिक ५२ रन बनाए । २७ बल खेलेका उनले ३ छक्का र तीन चौका प्रहार गरे ।
त्यस्तै कुशल मल्ल ४७ रन बनाएर नटआउट रहे । २० बल खेलेका मल्लले तीन चौका र एक छक्का हाने ।
यस्तै कुशल भुर्तेलले ३५,गुल्सन झाले ३५ र विनोद भण्डारीले १३ रन बनाए ।
आसिफ शेख ६, दिपेन्द्र सिंह ऐरी ६ र सन्दीप जोरा ५ रन बनाएर आउट भए । सोमपाल कामी एक रनमा नटआउट रहे ।
माल्दिभ्सका लागि नजवान इसमैलले सर्वाधिक तीन विकेट लिए ।
नेपालले यसअघि मङगोलियाविरुद्ध कीर्तिमानी जीत निकालेको थियो ।
क्वाटरफाइनलमा पाँच टेस्ट टोली भारत, पाकिस्तान, बंगलादेश, अफगानिस्तान र श्रीलंकाले सोझै मौका पाएको थिए । समूह सी बाट मलेसिया क्वाटरफाइनलमा आएको छ । समूह बी बाट आज जापान र हङकङबीच प्रतिस्पर्धा हुँदैछ । उक्त खेलको विजेता टोली क्वाटरफाइनलमा आउनेछ । क्वाटरफाइनलका खेलहरु मंगलबार र बुधबार हुनेछन्
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
