२४ बैशाख २०८३, बिहीबार
२०८० आश्विन १४ गते, आईतवार ११:२७ मा प्रकाशित
काठमाडौंको तीनकुनेस्थित शान्तिनगरमा सडककाे खाल्डाेमा माेटरसाइकल खस्दा १ जनाको मृत्यु भएको छ।
बागमती नदीमा पुल बनाउन खनिएको खाल्डोमा मोटरसाइकल खस्दा एक जनाकाे मृत्यु हुनुका साथै अर्का १ जना घाइते भएका छन्।
प्रहरी बृत्त नयाँ बानेश्वरका अनुसार आइतबार राति बागमती प्रदेश ०२–०३९ प ११९७ नम्बरको मोटरसाइकल बागमती नदी छेउमा पुल निर्माणका लागि खनिएको खाल्डोमा खसेको थियो।
प्रहरीले घटनास्थलबाट मोटरसाइकलका चालक भक्तपुरको चागुनारायण–४ घर भएका २० वर्षीय सरोज गुरुङ र चागुनारायण–४ नै घर भएका १७ वर्षीय सुशील गुरुङलाई उद्धार गरेको थियो। उद्धार गरिएकाहरुलाई उपचारका लागि सिभिल अस्पताल लगिएको थियो।
घाइतेमध्ये १७ वर्षीय सुशीललाई आइतबार बिहान ४:४० बजे चिकित्सकले मृत घोषित गरेका प्रहरीले जनाएको छ। मोटरसाइकल चालक २० वर्षीय सरोज गम्भीर घाइते छन्। प्रहरीका अनुसार दाहिने खुट्टा भाँच्चिएको र उनी बोल्न नसक्ने अवस्थामा रहेका छन्।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
