कोशीका तीन मन्त्रीहरूको जिम्मेवारी तोकियो, कसलाई कुन मन्त्रालय ?

होमल्याण्ड खबर

२०८० मंसिर १७ गते, आईतवार १५:५३ मा प्रकाशित

कोशी प्रदेशका तीन मन्त्रीहरूको जिम्मेवारी तोकिएको छ । मन्त्रीमण्डलमा रहेका माओवादी केन्द्रका गणेश उप्रेती, नेकपा (एकीकृत समाजवादी)का कमलप्रसाद जबेगु र कांग्रेसका शमशेर राईले मन्त्रालयको जिम्मेवारी पाएका हुन् ।

उप्रेतीले पर्यटन, वन तथा वातावरण मन्त्रालय, नेपाली कांग्रेसका शमशेर राईले आन्तरिक मामिला तथा कानुन मन्त्रालय र नेकपा एकीकृत समाजवादीका कमल जबेगुले भौतिक पूर्वाधार विकास मन्त्रालयको जिम्मेवारी पाएका छन् ।

गत असोज २७ गते नियुक्त भएका मुख्यमन्त्री केदार कार्कीले सोही दिन शमशेर राई र एमालेका राम रानालाई मन्त्री नियुक्त गरेका थिए । यस्तै कार्तिक १७ गते माअ‍ोवादी र एकीकृत समाजवादीका तर्फबाट उप्रेती र जबेगुलाई नियुक्त गरेका थिए ।

त्यसलगत्तै एमालेबाट मन्त्री बनेका राम रानाले भने राजीनामा दिएका थिए । मुख्यमन्त्री नियुक्त भएदेखि नै मन्त्रीहरूलाई जिम्मेवारी दिन नसकेका मुख्यमन्त्री कार्कीले बजेट पारित गरेर जिम्मेवारी दिएका हुन् ।

सम्बन्धित खबर

माओवादी आन्दोलन आवश्यक नै थिएन, देशको २० वर्ष समय त्यसमै खर्चियो : प्रदीप ज्ञवाली

आफ्नै मन्त्रीविरुद्ध बोल्ने सांसदलाई कांग्रेसले सोध्यो स्ष्टीकरण

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

विदेशी मुद्रा सञ्चिति २२ खर्ब ३२ अर्ब पुग्यो

एनपीएलका लागि एनसेल र क्यानबीच साझेदारी

दुर्गा प्रसाईँलाई साइबर अपराध मुद्दामा पक्राउ गरिएको हो : सीआइबी