मानवजाति रहेसम्म गौतम बुद्धका दर्शन र उपदेश कहिल्यै पुराना हुँदैनन् : प्रधानमन्त्री

होमल्याण्ड खबर

२०८० मंसिर २६ गते, मंगलवार १३:४६ मा प्रकाशित

प्रधानमन्त्री पुष्पकमल दाहाल ‘प्रचण्ड’ले गौतम बुद्धका दर्शन र उपदेश कहिलेपनि पुराना नहुने दाबी गरेका छन्। नवलपरासीको रामग्राममा आयोजित विश्व शान्ति कार्यक्रमलाई सम्बोधन गर्दै उनले बुद्धका दर्शन, सिद्धान्त र उपदेशको महत्त्व दिनप्रति दिन बढ्दै जाने विश्वास व्यक्त गरेका हुन्।

‘अहिले विश्वलाई शान्तिको आवश्यकता र महत्त्व अझ बढ्न गएको छ।’ उनले भने,‘गौतम बुद्धका दर्शन र उपदेश कहिले पनि पुरानो हुँदैन। मानवजाति रहेसम्म बुद्धका दर्शन, सिद्धान्त र उपदेशको महत्त्व झन् दिनप्रति दिन बढ्दै जानेछ।’

उनले आजको कार्यक्रमपश्चात रामाग्रामबारे र बुद्धको अस्तु धातु र ऐतिहासिक सन्देश जाने विश्वास व्यक्त गरे। प्रचण्डले विश्वका विभिन्न देशबाट आएका बौद्धमार्गी गुरु र शान्तिका पक्षधरहरुलाई बधाई ज्ञापन गरे।

उनले संयुक्त राष्ट्र संघको महासभामा सहभागी भएर नेपालको शान्ति प्रकिया अन्तिम चरणमा पुगेको जानकारी गराएको बताए। उनले विश्व शान्ति निम्ति समेत अपील गरेको जानकारी गराए।

युद्ध र शान्तिको विषयलाई उठाउँदै प्रचण्डले अशोक सम्राटलाई आफूसँग तुलना गर्दै कतै न कतै मिल्न जाने उल्लेख गरे। उनले अशोक सम्राट र आफ्नो भावना मिल्ने बताए। नेकपा माओवादी केन्द्रका अध्यक्षसमेत रहेका प्रचण्डले भने, ‘देशभित्र र देश बाहिर शान्तिका निम्ति भगवान बुद्धका शिक्षालाई कार्यान्यन गर्न अपील गर्न इमान्दारिताका साथ पालना गर्छुु।’

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल