९ मंसिर २०८१, आईतवार
२०७५ कार्तिक २५ गते, आईतवार ११:५८ मा प्रकाशित
पहिलो विश्वयुद्ध सकिएको एक सय वर्ष पुगेको छ । आइतबार पहिलो विश्वयुद्ध सकिएको शतवार्षिकी पुगेको हो । शनिबार शतवार्षिकीको पूर्वसन्ध्यामा बेलायतको रोयल अल्बर्ट हलमा स्मृतिसभाको आयोजना गरिएको हो ।
वार्षिक स्मृति सम्मेलनमा बेलायती महारानी एलिजावेथका साथमा प्रिन्स ह्यारी पनि सहभागी भएका थिए । सो सम्मेलनमा बेलायती प्रधानमन्त्री थेरेसा मे पनि सहभागी भएका थिए ।
सैन्यबल च्यारिटीले यो सम्मेलन आयोजना गरेको थियो । यो सम्मेलनमा विश्वचर्चित कलाकारहरुले आफ्नो प्रस्तुती दिएका थिए ।
आइतबार पहिलो विश्वयुद्ध सकिएको एक सय वर्ष पूरा गरेको अवसरमा विश्वभर स्मृति कार्यक्रम मनाइँदै छ ।
पहिलो विश्वयुद्ध १९१४ जुलाई २८ बाट सुरु भई १९१८ नोभेम्बर ११ मा सकिएको थियो । यो विश्वयुद्धमा सात करोड सैनिकहरु परिचालन गरिएको थियो, जसमा छ करोड युरोपियन सैनिकहरु रहेका थिए ।
यो युद्धमा ९७ लाख सैनिकहरु र एक करोड सर्वसाधारणहरुले ज्यान गुमाएका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
