४ मंसिर २०८१, मंगलवार
२०८० पुष १६ गते, सोमबार १६:५६ मा प्रकाशित
काठमाण्डौ – जनमत पार्टीका अध्यक्ष डा। चन्द्रकान्त (सीके) राउतले सरकारले आफूहरूमाथि विभेद गरेको आरोप लगाएका छन् ।
आज सोमवार माइतीघर मण्डलामा प्रदर्शनका क्रममा पक्राउ परेसँगै प्रहरी हिरासतबाट छुटेपछि सञ्चारकर्मीसँग कुरा गर्दै अध्यक्ष राउतले आफूहरूले निषेधित क्षेत्र नतोडेको तर कला परिषदबाटै प्रहरीले धरपकड गरेको बताए। उनले मन्त्री र सांसदलाई जुनकुनै बेला पनि समात्ने सरकारले नागरिकलाई कस्तो स्वतन्त्रता दिएको होला भन्दै प्रश्नसमेत गरे।
उनले भने, ‘आजको दिन हामीले धेरै पहिलादेखि धोती दिवस मनाउँदै आएका छौँ र यो दिन देशले राष्ट्रिय पोसाक दिवसका रूपमा मनाउँदै आएको छ । जसको जे भेषभुषा हो त्यो मनाउन पाउनुपर्छ भनेर नै मनाइएको हो । निषेधित क्षेत्रभित्र गयो भन्ने गलत प्रचार भएको छ । हामी निषेधित क्षेत्रभन्दा टाढा कला परिषद् छेउमा जम्मा भएका थियौँ, त्यहाँ नै प्रहरीले धरपकड गरेको थियो । सबैलाई एकाएक समातेर हिरासतमा लिँदा आमनागरिकलाई कस्तो स्वतन्त्रता होला रु मन्त्री र सांसदहरूलाई जति बेला पनि पक्राउ गर्ने हो भने कस्तो खालको प्रहरी प्रशासन छ भन्ने प्रश्न उठ्छ । यो यतिमै सकिँदैन । हामी संसदमा छलफल प्रस्ताव लग्छौँ । समितिमा पनि प्रश्न उठ्छ ।’
अध्यक्ष राउतले सरकारले रङ्गभेदी विभेद गरेको भन्दै यो कुरा संसद् र समितिमा प्रस्तावका रूपमा लैजाने बताए । उनले मधेसी मूलकी मन्त्री भएकै कारण सङ्घीय मामिला तथा सामान्य प्रशासनमन्त्री अनिता देवीलाई पक्राउ गरेको जिकिर गरे । उनले अन्य पार्टीको राष्ट्रिय अध्यक्षलाई सरकारले यसरी समात्न सक्छ भन्दै प्रश्न गरे ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
