३ मंसिर २०८१, सोमबार
२०८० फाल्गुन १० गते, बिहीबार १३:०० मा प्रकाशित
नेपाली कांग्रेसका नेता चन्द्र भण्डारीले नेपालको अर्थव्यवस्था १०–१२ जनाको हातमा रहेको बताएका छन् । बिहीबार प्रतिनिधिसभाको विशेष समयमा बोल्दै उनले नेपालको आर्थिक नीति गलत भएको बताएका हुन् ।
‘हामीले बहुदलीय व्यवस्था प्राप्त गरेको ३४ वर्ष भयो । तर आर्थिक रुपमा यो संसदमा बारम्बार प्रश्न उठिरहेको छ– किन १०-१२ जनाको हातमा अर्थ व्यवस्था गयो ?’ भण्डारीले प्रश्न गरे ।
अर्थतन्त्रका एक भन्दा बढी क्षेत्रमा एकै व्यक्तिको स्वामित्व रहेको भन्दै भण्डारीले यो गलत भएको बताए । ‘उसैको हातमा बैंक छ, उसैको हातमा उद्योग छ, उसैको हातमा बीमा छ, उसैको हातमा जलस्रोतको लाइसेन्स छ । उसैको हातमा हस्पिटल छ, उसैको हातमा स्कुल छ, उसैको हातमा जमिन खन्ने लाइसेन्छ छ’ सांसद भण्डारीले भने, ‘अब यो देश कसरी बन्छ ?’
गलत आर्थिक नीतिको कारण अर्थव्यवस्था सीमित व्यक्तिको हातमा पर्न गएको भन्दै उनले यस्तो व्यवस्था अन्य मुलुकमा नभएको दाबी गरे । नेपालले सुरु गरेका विकास आयोजनाहरु कहिल्यै समयमै सम्पन्न नभएको भ्न्दै उनले मेलम्ची आयोजना र सडक आयोजनाहरु समयमा पूरा नहुँदा पनि कसैलाई कारबाही नभएको बताए ।
विगतमा कांग्रेस नेतृत्वकै सरकारले निजीकरण सुरु गरेको स्मरण गर्दै उनले भने, ‘त्यो निजीकरण उद्योग सञ्चालमा गरेका थियौं । बाँसबारीको जग्गा बेच्नका निम्ति गरेका थिएनौं ।’
भृकुटी कारखाना, हेटौंडा कपडा उद्योग, जुट मिल सञ्चालनका लागि ती उद्योगलाई निजीकरण गरिएको भन्दै सांसद भण्डारीले भने, ‘आज यी सबै लथालिंग भएका छन् । त्यो उद्योगहरु भताभुङ्ग भएका छन् ।’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
