३ मंसिर २०८१, सोमबार
२०८० फाल्गुन १५ गते, मंगलवार ११:४० मा प्रकाशित
नेपाल विद्यार्थी संघका अध्यक्ष दुजाङ शेर्पाले केन्द्रीय समितिको बैठक बस्न नसके पदबाट राजीनामा दिने बताएका छन् ।
संघको तदर्थ समिति बनेको छ महिनापछि बस्न लागेको केन्द्रीय समिति बैठकप्रति संस्थापनइतरले असन्तुष्टि जनाएपछि विवाद भएको छ । ‘कि केन्द्रीय समितिको बैठक बस्छ । बैठक बस्ने अवस्था नबने मेरो राजीनामा आउँछ,’ शेर्पाले भने । समूहबीच समन्वय नगरी अध्यक्ष शेर्पाले जिल्लाहरुमा अध्यक्ष तोकेको भन्दै शेखर-गगन पक्षका संघका नेता कार्यकर्ताले विरोध गर्दै आएका छन् ।
पूर्वाग्रह पूर्ण निर्णय गरिएको उक्त पक्ष आरोप छ । शेखर पक्षका विद्यार्थी नेताहरु मंगलबार बिहान सभापति शेरबहादुर देउवालाई भेट्न बूढानीलकण्ठ पुगेका थिए । सभापति देउवाले संघका अध्यक्ष शेर्पालाई फोन गरेर सबैलाई मिलाएर कार्यक्रम गर्न निर्देशन दिएको शेखर पक्षका विद्यार्थी नेता भुवन भट्टले जानकारी गराए ।
७ सय ११ जनाको रहेको तदर्थ समितिको पहिलो बैठक तथा सम्मान कार्यक्रम आजका लागि निर्धारण गरिएको थियो । दुई पक्षबीच सहमति हुन नसक्दा बैठक हुने र नहुने अन्योल कायमै छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
