महासमिति बैठकको निर्णयलाई अन्तिम रूप दिँदै कांग्रेस, थापा र शर्मालाई बुढानीलकण्ठ बोलाएर छलफल

होमल्याण्ड खबर

२०८० फाल्गुन १८ गते, शुक्रबार १०:४० मा प्रकाशित

कांग्रेस सभापति शेरबहादुर देउवाले पछिल्लो राजनीतिक अवस्थाबारे पार्टीका पदाधिकारीसँग छलफल गरेका छन् ।

उनले उपसभापतिद्वय पूर्णबहादुर खड्का र धनराज गुरुङ तथा महामन्त्रीद्वय गगन थापा र विश्वप्रकाश शर्मालाई बुढानीलकण्ठस्थित निवासमा बोलाएर छलफल गरेका हुन् ।

प्रचार विभाग प्रमुख मीन विश्वकर्माका अनुसार बैठकमा केन्द्रीय समिति बैठक आह्वान गर्ने, महासमिति बैठकका निर्णयलाई अन्तिम रूप दिने र समसामयिक विषयमा छलफल भएको थियो ।

साथै, राष्ट्रिय सभा अध्यक्षको निर्वाचनलगायतका विषयमा पनि छलफल भएको उनले जानकारी दिए । ‘बैठकमा केन्द्रीय समिति बैठक बोलाउने र समसामयिक राजनीतिक विषयमा छलफल भयो,’ उनले भने, ‘नेताहरूबीच राष्ट्रिय सभा अध्यक्ष निर्वाचनको विषयमा पनि कुराकानी भएको छ ।’

सम्बन्धित खबर

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

प्रदूषणले भारतको राजधानीका विद्यालय बन्द, अनलाइन कक्षा सुरु

आज तोलामा १ हजार रुपयाँले बढ्यो सुनको मुल्य

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

पूर्वसभामुख ढुंगानाको निधनको शोकमा आज सार्वजनिक बिदा दिने सरकारको निर्णय

मुख्यसचिव अर्यालले दिए राजीनामा