१४ मंसिर २०८१, शुक्रबार
२०८१ बैशाख ९ गते, आईतवार १५:१५ मा प्रकाशित
अख्तियार दुरुपयोग अनुसन्धान आयोगले नेपाल टेलिकमका निलम्बित प्रबन्ध निर्देशक सुनिल पौडेलविरुद्ध गैरकानूनी सम्पत्ति आर्जनको अभियोगमा भ्रष्टाचार मुद्दा दायर गर्ने निर्णय गरेको छ ।
आम्दानीको तुलनामा अस्वाभाविक आर्जन देखिएको भन्दै अख्तियारले अकूत सम्पत्ति कमाएको निष्कर्ष निकालेको हो । गैरकानूनी सम्पत्ति आर्जन गरेको उजुरीमाथि अनुसन्धानका उनलाई गत माघ गते अख्तियारले पक्राउ गरेको थियो ।
हाल हिरासतमा रहेका पौडेललाई गत शुक्रबार नै अदालतमा म्याद थप गर्नुपर्ने भएपनि आइतबार मात्रै मुद्दा लैजान सकिने अवस्था भएपछि त्यही अनुसारको तयारी गरेको अख्तियार स्रोतले भन्यो । पौडेलविरुद्ध आजै विशेष अदालतमा भ्रष्टाचार मुद्दा दायर हुने अख्तियारले जनाएको छ ।
आइतबार नै अख्तियारले उनीसँगै पक्राउ परेका विकल पौडेलविरुद्ध आफ्नो ओहोदा ढाँटेर सार्वजनिक पदमा पुगी भ्रष्टाचार गरेको आरोपमा मुद्दा दायर गरेको छ । विकलसँगै १० माघमा सुनिल पौडेलसँगै पक्राउ परेका हुन् ।
सुनिल पौडेलविरुद्ध अख्तियारले दायर गर्न लागेको यो दोस्रो भ्रष्टाचार मुद्दा हो । गत असोजमा दायर पेमेन्ट गेटवेको मुद्दामा उनलाई विशेष अदालतले शुक्रबार मात्रै दोषी ठहर गरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
