१४ मंसिर २०८१, शुक्रबार
२०८१ बैशाख ९ गते, आईतवार १६:४३ मा प्रकाशित
अब कोरियाले माग गरेको कामदार कोटाको आधारमा मात्रै ईपीएस कोरियाको भाषा परीक्षाको आवेदन दिन पाउने भएका छन् । यसअघि कोरिया जान चाहने सबैले ईपीएसको भाषा परीक्षाका लागि आवेदन दिन पाउँथे ।
नयाँ व्यवस्था अनुसार कामदार कोटा संख्याको तेब्बरभन्दा बढीले ईपीएसको आवेदन भर्न पाउँदैनन् । अर्थात् १० हजार कामदारको कोटा खुलेमा १० हजारको तेब्बर ३० हजारभन्दा बढीले परीक्षामा सहभागी हुन पाउँदैनन् ।
ईपीएस कोरिया शाखा प्रमुख कमल श्रेष्ठका अनुसार ईपीएस परिक्षाका लागि आवेदन प्रणालीमात्रै परिवर्तन गरिएको छ ।
श्रेष्ठले भने, ‘कोरिया जान चाहने सबैले परिक्षा दिन नपाउने भन्ने होइन ।
आवेदन दिने प्रणालीमात्रै परिवर्तन गरिएको हो । जसमा केरियाले माग गरेको कामदर संख्याको तेब्बरसम्म आवेदन परेमा स्वत: त्यसपछिकाले आवेदन भर्न पाउने छैनन् । सिस्टम आफैं बन्द हुनेछ ।’ अधिकांश देशहरूमा अत्यधिक मात्रामा आवेदन पर्ने भएकाले त्यसलाई व्यवस्था गर्न नयाँ नियम लागू भएको उनले सुनाए ।
रोजगार अनुमति प्रणाली (ईपीएस) मार्फत नेपालबाट वर्षेनी हजारौंको संख्यामा कामदार कोरिया जाने गर्छन् । कोरियाले नेपालबाट मेन्युफेक्चरिङ, सीपबिल्डिङ, कृषि तथा पशुपालन क्षेत्रमा कामदार लैजाँदै आएको छ । अब फरेस्ट्री, सर्भिस र रुट इन्डस्ट्रिज सेक्टलाई पनि थप्न प्रस्ताव गरिएको छ । एक वर्षमा कुनै एउटा सेक्टरमा मात्रै आवेदन दिन मिल्ने व्यवस्था गरिएको छ ।
तर, गत मंसिरमा १५ हजार कामदारको कोटामा १ लाख ६४ हजार ७१६ जनाको आवेदन परेको थियो । अहिले उनीहरूलाई ३ चरणमा परीक्षा दिलाउने व्यवस्था मिलाइएको छ । अहिलेसम्म एउटै सेक्टरमा परीक्षा गराइँदा मात्रै ५ देखि १० गुणा बढीले आवदेन दिने गरेका छन् । अब तेब्बरभन्दा बढीले मात्रै आवेदन दिन पाउने भएपछि वर्षैौंदेखि कोरिया जान तयारी गरिरहेकाहरूलाई अझै कुर्नुपर्ने भएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
