१० मंसिर २०८१, सोमबार
२०८१ भाद्र ६ गते, बिहीबार १७:०१ मा प्रकाशित
अविरल वर्षाका कारण काठमाडौं-पोखरा सडकखण्ड २४ घण्टादेखि अवरुद्ध बनेको छ । तनहुँ घाँसीकुवामा हिजो बुधबार साँझ खसेको पहिरो आजसम्म हटाउन नसक्दा सडक अवरुद्ध बनेको हो ।
सडकको पहिरो बिहीबार बिहानैबाट हटाउन सुरु गरिएको थियो । तर सडकमा ठूला रुखसहित पहिरोले खसेकाले पहिरो हटाउन समय लागेको जिल्ला प्रहरी कार्यालय तनहुँले जनाएको छ ।
पहिरोले सडकको करिब डेढ सय मिटर भाग ढाकेको छ । प्रमुख जिल्ला अधिकारी जनार्दन गौतमले आज बिहानदेखि सडकको दुवैतर्फबाट पहिरो पन्छाउने काम जारी रहेको बताए । उनका अनुसार सडक विस्तारको काम गर्दै आएको चिनियाँ ठेकेदार कम्पनी र नेपाली सेनाको टोली बाटो खुलाउने काममा खटिएका छन् ।
मुख्य राजमार्ग अवरुद्ध भएपछि साना तथा ठूला सवारी साधनहरुलाई अलग-अलग वैकल्पिक बाटो प्रयोग गर्न भनिएको छ । दमौलीबाट तालघरे, दरैपधेँरा हुँदै घाँसीकुवा निस्किने बाटोलाई वैकल्पिक बाटोका रुपमा प्रयोग गरिएको थियो ।
तर वैकल्पिक बाटोसमेत साँघुरो र हिलाम्मे हुँदा साना तथा ठूला सबै सवारीसाधन लामो समयदेखि जाममा बस्न बाध्य छन् । बिहानैदेखि सवारी जाममा परेपछि यात्रुसमेत समस्यामा परेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
