पूर्वसूचना हुँदा पनि सरकारले कुनै तयारी नथाल्दा ठूलो क्षती : प्रचण्ड

होमल्याण्ड खबर

२०८१ आश्विन १५ गते, मंगलवार १६:३५ मा प्रकाशित

नेकपा माओवादी केन्द्रका अध्यक्ष पुष्पकमल दाहाल प्रचण्डले विपद्को पूर्वानुमान हुँदा समेत सरकारले कुनै तयारी नथाल्दा ठूलो क्षति भएको बताएका छन् ।

बाढी प्रभावित क्षेत्रको अवलोकनका क्रममा उनले सरकारलाई राहत, उद्धार र पुनस्थापनमा गम्भिर बन्न ध्यानाकर्षण गराए । उनले भने, ’मौसमविद्हरुले पूर्वानुमान गरिसकेका थिए आउने दुई तीन दिन भारी वर्षा हुँदैछ भनेर।

मैले पार्टी र विपक्षी दलका नेताको तर्फबाट ठूलो क्षति हुनसक्छ सबै तयारी अवस्थामा रहनुपर्यो भनेको थिए सरकारलाई तर, सरकारको कुनै तयारी देखिएन ।’

सरकारले जे जति गल्ती गरेपनि अब एकजुट भएर पीडितको समस्या समाधान गर्नतिर लाग्नुपर्ने बताए । उनले भने, ‘अब राहत, उद्धार, पुर्नस्थापना घाइतेको उपचारमा सरकार गम्भिर बनोस्, म गाली गर्ने पक्षमा छैन।

सबै मिलेर पीडितको घाउतमा मल्हमपट्टी लगाउनुपर्छ। सरकारले जेजति कमीकमजोरी गर्यो गर्यो अब युद्धस्तरमा पीडितको पक्षमा काम गरोस्।’ उनले पार्टीका सबै नेता कार्यकर्ताहरु राहत, उद्धारमा खटिसकेको समेत बताए ।

पार्टीका सांसद र प्रदेश सांसदहरुले १० दिनको तलब राहत कोष जम्मा गर्ने निर्णय भएको जानकारी गराउँदै स्थानीय तहकालाई पनि इच्छा अनुसार सहयोग गर्न आग्रह गरेको बताए ।

सम्बन्धित खबर

प्रतिनिधिसभाका सचिव अधिकारीले ५ महिना नपुग्दै दिए राजीनामा

सिनामंगलको होटलमा युवायुवती झुण्डिएको अवस्थामा मृत भेटिए

रवि लामिछानेलाई अदालत उपस्थित गराइयो

कमजोरी सच्याउन एमाले तयार छ : शङ्कर पोखरेल

भद्रकालीबाट सुुरु भयो एमालेको र्‍याली

सुदूरपश्चिममा लगानी गर्नुहोस्, हामी पूर्वाधारको व्यवस्था गरिदिन्छौं : मुख्यमन्त्री शाह