९ मंसिर २०८१, आईतवार
२०८१ कार्तिक ७ गते, बुधबार १२:०० मा प्रकाशित
काठमाडौँ महानगरपालिकाले स्वास्थ्य तर्फका विभिन्न पदमा एक सय ८ जना कर्मचारी माग गरेको छ ।
महानगरपालिकाले आज सूचना जारी गर्दै आफू मातहतको स्वास्थ्य विभाग अन्तर्गत रहेका सहरी स्वास्थ्य प्रवर्द्धन केन्द्रहरुमा करार सेवामा कामकाज गर्नको लागि जनशक्ति माग गरेको हो ।
लोकसेवा आयोगबाट सिफारिस वा अन्यत्रबाट स्थायी प्रकृतिको कर्मचारी सरुवा भइ नआएसम्म यस आर्थिक वर्षको असार मसान्तसम्मको लागि कर्मचारी माग गरिएको सूचनामा उल्लेख छ ।
महानगरले आठौँ तहको मेडिकल अधिकृत (डाक्टर) ४, पाँचौँ तहको ल्याब टेक्निसियन २९, फिजियोथेरापी असिस्टेन्ट ३२, स्टाफ नर्स ५, फार्मेसी सहायक १०, रोडियोग्राफर १, तथ्यांक सहायक १ र कार्यालय सहयोगी २६ जना गरी एक सय आठ जना कर्मचारी माग गरेको हो ।
योग्यता पुगेका इच्छुक नेपाली नागरिकले सूचना प्रकाशित भएको १५ दिनभित्र आवेदन दिन सक्ने महानगरले जनाएको छ । अनलाइन प्रणालीमार्फत् पनि दरखास्त दिन सकिने सूचनामा उल्लेख छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
