९ मंसिर २०८१, आईतवार
२०८१ कार्तिक ९ गते, शुक्रबार १५:०२ मा प्रकाशित
कोशी प्रदेशका भौतिक पूर्वाधार विकास तथा स्वास्थ्य मन्त्री भुपेन्द्र राईले शैलजा आचार्य हृदय रोग उपचार केन्द्र चाँडै सञ्चालन गरिने बताउनुभएको छ । उपचार केन्द्र सञ्चालनका लागि गङ्गालाल हृदय रोग अस्पतालबीच सम्झौता गर्ने निर्णय भएको उहाँले जानकारी दिनुभयो ।
बिहीबार स्वास्थ्य मन्त्रालयको समेत जिम्मेवारी पाउनुभएका मन्त्री राईले उक्त मन्त्रालयको पदभार ग्रहण गर्दै भन्नुभयो, “सङ्घीय स्वास्थ्यमन्त्री प्रदिप पौडेलसँग पनि यस विषयमा कुरा भइसकेको छ । चाँडै गङ्गालाल अस्पतालसँग सम्झौता गर्ने निर्णय भएको छ ।”
यस्तै कोशी प्रदेश भौतिक पूर्वाधार विकास मन्त्रालयले प्रयोगविहीन रहेका झोलुङ्गे पुललाई स्थानान्तरण गर्ने समेत निर्णय गरेको छ । “सडक भएकै स्थान वरपर रहेका झोलुङ्गे पुल स्थानीय तहको समन्वय र मागको आधारमा स्थानान्तरण गर्ने निर्णय भएको छ”, मन्त्री राईले भन्नुभयो ।
भौतिक पूर्वाधार मन्त्रालयअन्तर्गतका योजनाका विषयमा योजनास्थलमै सरोकारवालासँग छलफल गर्ने निर्णय भएको छ । “क्रोनिक योजना निर्माणमा भइरहेको ढिलाइबारे योजनास्थलमै सवै पक्षसँग छलफल गर्ने निर्णय भएको छ”, उहाँले भन्नुभयो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
