८ मंसिर २०८१, शनिबार
२०८१ कार्तिक ११ गते, आईतवार ११:५० मा प्रकाशित
साताको पहिलो कारोबार दिन आइतबार नेपाली सुनचाँदी बजारमा सुनको मूल्यले अर्को नयाँ रेकर्ड बनाएको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १४ सय रुपैयाँले बढेर १ लाख ६७ हजार ४०० रुपैयाँ कायम भएको हो ।
यसअघि कात्तिक ७ गते सुनको मूल्यमा रेकर्ड कायम भएको थियो । त्यसदिन छापावाल सुन प्रतितोला १ लाख ६६ हजार ७०० रुपैयाँमा कारोबार भएको थियो ।
यसअघि शुक्रबार भने छापावाल सुन प्रतितोला १ लाख ६६ हजार रुपैयाँमा कारोबार भएको थियो ।
आज चाँदीको भाउ पनि तोलामा १५ रुपैयाँले बढेर २ हजार ८५ रुपैयाँ कायम भएको छ । शुक्रबार चाँदीको भाउ प्रतितोला २ हजार ७० रुपैयाँ कायम रहेको थियो ।
अन्तर्राष्ट्रिय बजारमा सुनको मूल्य बढेसँगै पछिल्लो समय नेपाली बजारमा पनि सुनको मूल्य निरन्तर उकालो लागेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
