आजदेखि भैरहवामा कतार एयरलाइन्सको नियमित उडान, यस्तो छ तालिका

होमल्याण्ड खबर

२०८१ कार्तिक २७ गते, मंगलवार ११:३२ मा प्रकाशित

भैरहवा विमानस्थलमा आजदेखि कतार एयरवेजले नियमित रुपमा उडान थाल्ने भएको छ । नेपाल नागरिक उड्डयन प्राधिकरणले स्वीकृत गरेको उडान तालिका अनुसार हप्तामा सातवटा उडान भर्न लागिएको हो ।

यस अनुसार कतार एयरलाइन्सको विमान प्रत्येक दिन दोहाबाट दिउँसो २ः४५ बजे भैरहवा विमानस्थल आइपुग्नेछ । त्यही विमान अपराह्न ४ः४५ बजे भैरहवाबाट काठमाडौं आउनेछ । सोही दिन ६ः५५ बजे उक्त विमान काठमाडौंबाट दोहाका लागि उड्नेछ । यो सेड्युल नोभेम्बर ३० सम्मको लागि कायम रहनेछ । त्यसपछि भने दोहा–भैरहवा–दोहा डाइरेक्ट फ्लाइट गर्ने प्राधिकरणको योजना छ ।

यसअघि यो विमानस्थलबाट नेपाल एयरलाइन्स, फ्लाइ दुबई, जजिरा एयर र थाई एयर एशियाले उडान सुरु गरिसकेका छन् । कतार एयरवेज भैरहवा जाने पाँचौं एयरलाइन्स कम्पनी हो ।

प्राधिकरणका उप प्रबन्धक ज्ञानेन्द्र भुलले विश्वमै चलेका यी एयरलाइन्सहरु भैरहवा जानुले भैरहवा विमानस्थल अन्तराष्ट्रिय रुपमा परिचित हुने वातावरण बनेको बताए । सेड्युल उडानमा समावेश हुनुको अझै ठूलो रणनीतिक महत्व रहेको उनको भनाइ छ ।

सम्बन्धित खबर

लैङ्गिक हिंसा रोकथाम गर्न मन्त्रालयको सक्रियता

प्रदेशसभा सदस्य गौचनको निधनप्रति कांग्रेसद्धारा दुःख व्यक्त

रुपन्देहीमा रवि लामिछानेसँग तेस्रो दिन पनि बयान जारी

न्याय सेवाका ५ उपसचिवसहित ४४ अधिकृतको सरुवा

८ करोडको लागतमा त्रिशूलीमा नयाँ पुल निर्माण

आज पनि ह्वात्तै घट्यो सुनको मूल्य, कतिमा हुँदैछ कारोबार ?