एमालेले लिन मानेन काठमाडौं महानगरको जरिवाना पत्र

होमल्याण्ड खबर

२०८१ मंसिर ९ गते, आईतवार १५:५६ मा प्रकाशित

काठमाडौँ महानगरपालिकाले जरिवाना गरेको पत्र नेकपा एमालेले बुझ्न अस्वीकार गरेको छ । पार्टी कार्यालय च्यासलमा आइतबार महानगरपालिकाको टोली पत्र लिएर गएपनि एमालेले बुझ्न अस्वीकार गरेको हो । एमालेले पत्र लिन नमानेपछि महानगरपालिकाको टोली त्यसै फर्किएको छ ।

गत शुक्रबार एमालेका काठमाडौं, भक्तपुर र ललितपुर जिल्ला कमिटीको आयोजनामा दरबारमार्गमा जागरण सभा आयोजना गरिएको थियो । त्यस क्रममा सडक तथा सडकपेटीमा जथाभावी फोहरमैला गरी फोहर गरेको भन्दै एमालेलाई १ लाख जरिवाना गर्ने निर्णय गरेको थियो ।

फोहोर गरेपनि त्यसको व्यवस्थापकीय जिम्मेवारी पूरा नगरेकोले फोहरमैला व्यवस्थापन ऐन, २०६८ र काठमाडौँ महानगरपालिकाको आर्थिक ऐन, २०८१ बमोजिम जरिवाना गरिएको महानगरपालिकाले जनाएको छ ।

सम्बन्धित खबर

अस्ट्रेलियाको राजदूतमा चित्रलेखा यादव नियुक्त

प्रतिनिधिसभाका सचिव सुरेश अधिकारीको राजीनामा स्वीकृत

रविमाथि अनुसन्धान गर्न १५ दिन म्याद थप

प्रतिनिधिसभाका सचिव अधिकारीले ५ महिना नपुग्दै दिए राजीनामा

सिनामंगलको होटलमा युवायुवती झुण्डिएको अवस्थामा मृत भेटिए

रवि लामिछानेलाई अदालत उपस्थित गराइयो