उमेश श्रेष्ठलाई कोषाध्यक्षमा बनाएपछि कांग्रेस संस्थापनभित्रै असन्तुष्टी

होमल्याण्ड खबर

२०८१ मंसिर १८ गते, मंगलवार १४:४० मा प्रकाशित

महाधिवेशन सकिएको तीन बर्षपछि कांग्रेस सभापति शेरबहादुर देउवाले व्यावसायी उमेश श्रेष्ठलाई कोषाध्यक्षमा नियुक्त गरेपछि संस्थापनभित्रै असन्तुष्टी चुलिएको छ । १३ औं महाधिवेशनपछि मात्र कांग्रेसमा आवद्ध भएका श्रेष्ठलाई एकैपटक पार्टीको कोषाध्यक्ष बनाएपछि देउवा समूहभित्रै असन्तुष्टी ‘भुसको आगो’ बनेकोहो ।

सभापतिको निकट हुने र कोषाध्यक्षको मातहतमा पार्टी कोष रहने भएका कारण कांग्रेसमा उक्त पदलाई निकै महत्वपूर्ण मानिन्छ । कांग्रेस विधान वमोजिम सभापति, उपसभापति, महामन्त्री र सहमहामन्त्रीपछिको वरीयतामा कोषाध्यक्ष रहन्छ । अन्ततः सबै आकाँक्षीलाई जिल्ल्याएर श्रेष्ठले पद हात पारेका छन् । चौधरी भन्दा पनि कार्कीको बलियो संभावना रहेको बताईंदै आएको थियो ।

कतिपयले कांग्रेसको बाह्रौं महाधवेशनमा दिएको आर्थिक जिम्मेवारीमा प्रश्न उठेका कारण देउवाले कार्कीमाथि विश्वास नगरेको बताएका छन् । अघिल्लो महाधिवेशनमा दिइएको आर्थिक संयोजकको जिम्मेवारी प्रभावकारी नभएको भन्दै उतिबेलै चर्चा चलेको थियो । कार्कीविरुद्ध अख्तियारमा गंभिर प्रकृतिका उजुरी रहेका कारण भावी कारबाहीलाई मध्येनजर गर्दै देउवाले पूर्व सावधानी अपनाएको अर्थमा समेत हेरिएको छ ।

संस्थापन निकट ति केन्द्रीय सदस्यलेभने अनुसार पछिल्लो समय कार्की भन्दा देउवासग श्रेष्ठको व्यक्तिगत निकटता र हिमचिम बाक्लिएको थियो । त्यही कारण संसद पुनःस्थापनापछि प्रधानमन्त्री बनेका देउवाले श्रेष्ठलाई शुरुमा स्वास्थ्य मन्त्री र पछि प्रधानमन्त्री कार्यालयमा कार्यरत रहने गरी मन्त्री बनाएका थिए ।

तेह्रौं महाधिवेशनयता श्रेष्ठले देउवा र उनकी पत्नी आरजु राणासँग निकट सम्बन्ध बनाउँदै आएका छन् । आरजु राणाको रोजाइका कारण पनि उनलाई कोषाध्यक्षका लागि मार्गप्रशस्त भएको चर्चा कांग्रेसभित्र छ । कांग्रेस छिरेको एकाध वर्षमै श्रेष्ठलाई कोषाध्यक्षमा च्यापेपछि कार्की देउवाले टाढिँदै गएका छन् । देउवा–कार्की सम्बन्ध ४५ वर्ष पुरानो हो ।

प्रायः सातामा कम्तीमा एकपल्ट देउवा निवास बुढानिलकण्ठ पुग्ने गरेका कार्की श्रेष्ठको नियुक्तिपछि पार्टीको मिटिङ बाहेक गएको नदेखिएको संस्थापन निकट नेताहरु बताउँछन् । नियुक्तिपछि पार्टी वैठकमा जाँदा पनि कार्की निन्याउरो अनुहार लिएर पुग्छन् ।

सम्बन्धित खबर

सेयर बजारमा निरन्तर गिरावट

समानुपातिकतर्फ ५१ दलले कटाएनन् ‘थ्रेस होल्ड’

इरानको नयाँ आक्रमण, तेल बजारमा तनाव

लामिछानेविरुद्धको अभियोग फिर्ताविरुद्धको रिट पूर्ण इजलासमा पठाउने आदेश

इनिशा हत्याको छानविन गर्न माग गर्दै वीरेन्द्रनगरमा प्रदर्शन

कर्णालीका ८ निर्वाचन क्षेत्रमा रास्वपाको जमानत जफत