१४ मंसिर २०८१, शुक्रबार
२०७५ मंसिर १८ गते, मंगलवार १५:०७ मा प्रकाशित
भक्तपुरको सूर्यविनायक नगरपालिका वडा नं ८ सिपाडोल र ९ नंखेलमा निर्माण गर्ने भनिएको प्रस्तावित रंगशालाकाविरुद्ध किसानले मंगलबार विरोध गरेका छन् ।
खेतियोग्य जमिन जग्गाधनी समुदायसँग छलफललै नगरी तथा सहमति र स्वीकृति नै नलिई हल्लाको भरमा रंगशाला बनाउन खोजेको भन्दै किसानले विरोध सभा गरेका हुन् ।
किसानहरु अरनिको राजमार्ग अन्तर्गत भक्तपुरको सल्लाघारी चोकमा जम्मा भई जुलुशसहित भक्तपुरको कटुञ्जेस्थित सूर्यविनायक नगरपालिका पुगेर विरोध सभा गरेका छन् । ‘रंगशाला चाहिदैन, खेतियोग जग्गा र बस्ती हटाउन पाइदैन’ भन्ने नारा लगाएका थिए ।
भक्तपुरको चाँगुनारायण नगरपालिका ताथलीमा बनाउन लागिएको भनिएको रंगशाला स्थानीयबासीले विरोध जनाएपछि नंखेल र सिपाडोल क्षेत्र बनाउने योजना बनाइएको बताइएको छ ।
रंगशालाले १ हजार ५ सय घर परिवार विस्थापित हुने, २ हजार खेतियोग्य जमिन पनि विनाश हुने भएको भन्दै स्थानीय पीडितहरुले विरोध गरेका छन् । प्रस्तावित रंगशाला क्षेत्र सिपाडोल नंखेल, चितपोल, ताथली र सुडालको सम्पूर्ण जमिन ७०,८९७ मा वनक्षेत्र १६,१०३ रोपनी कटाउँदा ५४,७८४ रहेकोमा ३८,३५५ रोपनीमा जग्गा एकीकरण आवास योजना सञ्चालन मार्फत २ हजार रोपनी जग्गा रंगशाला बन्ने भएपछि ति समुदाय बिस्थापित हुने भन्दै ज्यान गए पनि रंगशाला बनाउन नदिने अदानकासाथ बिरोध जनाएका हुन् ।
प्रस्तावित रंगशाला पीडित संघर्ष समितिको आयोजनामा सभा भएको हो । यसअघि उनीहरुले भक्तपुरका प्रमुख जिल्ला अधिकारी नारायणप्रसाद भट, खेलकुद मन्त्रीसमेतलाई विरोधपत्र बुझाइसकेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
