तत्काल मन्त्री र प्रधानमन्त्री बन्न राजनीतिमा आएका होइनौं : सीके राउत

होमल्याण्ड खबर

२०८१ माघ २७ गते, आईतवार १५:४५ मा प्रकाशित

जनमत पार्टीका अध्यक्ष डा. चन्द्रकान्त (सीके) राउतले आफ्नो पार्टी तत्काल प्रधानमन्त्री वा मन्त्री बन्नका लागि राजनीतिमा नआएको स्पष्ट पारेका छन् । आज (आइतबार) नेपाल समाजवादी पार्टी (नयाँ शक्ति) को प्रथम राष्ट्रिय महाधिवेशनलाई सम्बोधन गर्दै अध्यक्ष राउतले छोटो समयमै कुनै पनि पार्टीबाट ठूलो उपलब्धि अपेक्षा गर्नु गलत हुने बताएका छन् । उनले नागरिकहरूले तत्काल नतिजा खोज्ने प्रवृत्ति देखाए पनि त्यसका लागि धैर्य आवश्यक रहेको बताए।

‘हामीले राजनीति थालेको, नयाँ पार्टी स्थापना गरेको एक वा दुई वर्ष पनि भएको छैन । अहिले बल्ल प्रथम महाधिवेशन हुँदैछ । तर, हामीसँग तत्कालै देशको निकास खोज्ने, प्रधानमन्त्री बनाउन सक्ने, संसद् नियन्त्रण गर्न सक्ने, कानुन बनाउन सक्ने अपेक्षा गरिन्छ,’ उनले भने, ‘धैर्यता आवश्यक छ । जुनसुकै नयाँ पार्टीका सन्दर्भमा म भन्न चाहन्छु, नेतृत्वमा पनि धैर्यता हुनुपर्छ । हामी प्रधानमन्त्री वा मन्त्री बन्न आएको होइनौं, विचार स्थापित गरेर देशलाई निकास दिन आएका हौं । यसमा समय लाग्छ, यो रातारात सम्भव छैन ।’

सम्बन्धित खबर

विपक्षी दलको अवरोधपछि प्रतिनिधि सभाको बैठक स्थगित

भ्रष्टाचारको सूचकांकमा नेपाल १०७औं स्थानमा

विद्युतको तार सर्ट हुँदा आगलागी, लाखौंको क्षति

सुरक्षित कारोबारसम्बन्धी विधेयक प्रतिनिधिसभाबाट पारित

अमरेश सिंह भन्छन्- गरिबलाई देखिसहेनन्,बालेन हिटलरजस्तै भए

भ्रष्टाचारसम्बन्धी अनुसन्धानलाई आधुनिकीकरण गर्दै लैजानुपर्नेमा राष्ट्रपति पौडेलको जोड