विद्यालयमा प्रयोग भएका सवारीसाधनको अनुगमन हुनुपर्छ : सांसद केसी

होमल्याण्ड खबर

२०८१ माघ २८ गते, सोमबार १५:२१ मा प्रकाशित

नेपाली कांग्रेसका सांसद राजेन्द्रकुमार केसीले विद्यालयमा प्रयोग भएका सवारीसाधनको अनुगमन हुनुपर्ने बताउनुभएको छ ।

प्रतिनिधिसभाको आकस्मिक समयमा सांसद केसीले आइतबार दक्षिणकाली नगरपालिका–३ भन्ज्याङ्मा भएको विद्यालय बस दुर्घटनाको प्रसङ्ग उल्लेख गर्दै ग्रामीण क्षेत्रका विद्यालयमा प्रयोग हुने सवारीसाधनको अवस्था जाँच गर्न सभामुख देवराज घिमिरेमार्फत सम्बन्धीत मन्त्रालयको ध्यानार्कषण गराउनुभयो । उहाँले उक्त दुर्घटनामा घाइते भएका ३५ विद्यार्थीको निःशुल्क उपचार गर्न आग्रह गर्नुभयो ।

“विशेषतः ग्रामिण क्षेत्रका विद्यालयमा पुुराना सवारीसाधन प्रयोग भएको पाइएको छ । थोत्रो भएपछि चलाउँदा पनि त्यसको जाँच र अनुगमन हुँदैन”, सांसद केसीले भन्नुभयो ।

सम्बन्धित खबर

विपक्षी दलको अवरोधपछि प्रतिनिधि सभाको बैठक स्थगित

भ्रष्टाचारको सूचकांकमा नेपाल १०७औं स्थानमा

प्रतिनिधिसभा बैठक बस्दै

विद्युतको तार सर्ट हुँदा आगलागी, लाखौंको क्षति

सुरक्षित कारोबारसम्बन्धी विधेयक प्रतिनिधिसभाबाट पारित

चावहिलमा युवकको शव फेला, हत्याको आशंका