९ मंसिर २०८१, आईतवार
२०७५ मंसिर २४ गते, सोमबार ११:५५ मा प्रकाशित
चौधरी ग्रुपले इजिप्टमा पनि चाउचाउ उत्पादन सुरु गर्ने भएको छ । अहिले नेपाल, भारत लगायत विभिन्न देशमा चाउचाउ उत्पादन गरिरहेको ग्रुपले इजिप्टको कायरोमा पनि उधोग खोल्ने तयारी गरेको हो ।
ग्रुपका अध्यक्ष विनोद चौधरीले नेपाल र भारतमा बाहेक वाइवाइको चौथो प्लान्ट रहेको बताए । उनका अनुसार अहिले प्लान्टका लागि भौतिक कार्यहरु निर्माणको तयारीमा छन् ।
चौधरी ग्रुपले यसअघि काजकिस्तानको चाउचाउ उत्पादन केन्द्र पनि खरिद गरेको छ । मध्य एसियामा आफ्नो व्यापार विस्तारको लागि चौधरी ग्रुपले १ करोड ५० लाख डलरबराबरको रकममा सो केन्द्र खरिद गरेको हो । काजाकस्तानमा नयाँ उत्पादन खरिद गरेसँगै चौधरी ग्रुपको समग्र चाउचाउ उत्पादन केन्द्र १८ पुगेको छ । जसमध्ये ९ वटा भारतमा रहेको छ ।
सीजी फुड्सका प्रबन्ध निर्देशक निर्वाण चौधरीले अहिलेको नयाँ केन्द्रले मध्य एसियाका बजारहरुमा व्यापार विस्तारको लागि सहयोग पुग्ने बताए । उनले मध्य एसियाका मानिसहरुको मन पनि वाइवाइले जित्ने विश्वास व्यक्त गरे । वाइवाइले भारतीय बजारमार तयारी चाउचाउको २८ प्रतिशतको हिस्सा आगट्ने गरेको छ । वार्षिक व्यापार २ अर्ब २० करोड डलरको हुने गरेको छ । यसले विश्वको चाउचाउको बजारमा २ प्रतिशतको हिस्सा ओगट्ने गरेको छ ।
सीजी फ्डुसका विश्व बजार प्रमुख जीपी शाहले मध्य एसियामा भारतमा भन्दा पनि बढी प्रतिव्यक्ति चाउचाउ खपत बढी रहेको बताए । उनले अबको केही महिनामा व्यवसायिक हिसाबमा उल्लेख्य उत्पादन गरिने बताएका छन् ।
सन् २०१७ मा सर्वियामा पनि चौधरी ग्रुपले नयाँ प्लान्ट खोल्ने निर्णय गरेको थियो । ३० मुलुकहरुमा अहिले चौधरी ग्रुपका ७६ ब्राण्डहरु उत्पादन भइरहेका छन् र १२२ कम्पनीहरु स्वामित्वमा रहेका छन् भने १० हजार कर्मचारीहरु काम गरिरहेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
