२८ फाल्गुन २०८१, बुधबार
२०८१ फाल्गुन २७ गते, मंगलवार १३:२६ मा प्रकाशित
राष्ट्रिय प्रजातन्त्र पार्टी नेपालका अध्यक्ष कमल थापाले लोकतन्त्रको विकल्प राजतन्त्र नभएको बताएका छन् । सच्चा लोकतन्त्रवादीले राजा आउँदा आत्तिनु नपर्ने उनकाे टिप्पणी छ ।
उनले भने, लोकतन्त्रको विकल्प राजतन्त्र होइन, हुन सक्दैन। त्यो सबैले बुझेका छन् । जनताले लोकतन्त्रको सट्टा निरङ्कुशता खोजेको होइन ।
सामाजिक सञ्जालमा स्टाटस लेख्दै थापाले जनताले लोकतन्त्रको विकल्प नखोजेको तर राजासहितको लोकतन्त्र खोजेको उल्लेख गरेका छन् ।
उनले भनेका छन्, राजासहितको लोकतन्त्र खोजेको हो । लोकतन्त्रको नाममा हाल कायम छाडातन्त्र,सिण्डिकेटतन्त्र र लुटतन्त्रको विकल्प खोजेको हो । मर्यादित र जबाफदेही लोकतन्त्र खोजेको हो ।
राजासहितको प्रजातन्त्र विश्वमा सर्वाधिक सफल प्रजातन्त्र मानिन्छ । बेलायत, जापान,नर्वे लगायतका कैयौँ मुलुक त्यसको ज्वलन्त उदाहरण हुन् । जनताले चाहेको त्यस्तै प्रजातन्त्र हो। त्यसैले सच्चा लोकतन्त्रवादीले राजा आउँदा आत्तिनु पर्दैन।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
