एसईईमा मर्यादाविपरीत कार्य गर्ने सहायक केन्द्राध्यक्षसहित चार निरीक्षक जिम्मेवारी मुक्त

होमल्याण्ड खबर

२०८१ चैत्र ९ गते, आईतवार १०:५३ मा प्रकाशित

पर्सामा माध्यमिक शिक्षा परीक्षा (एसईई)मा मर्यादाविपरीत कार्य गर्ने सहायक केन्द्राध्यक्षसहित चार निरीक्षकलाई जिम्मेवारीबाट हटाइएको छ । पर्साका प्रमुख जिल्ला अधिकारी (प्रजिअ) गणेश अर्यालको अध्यक्षतामा शनिबार साँझ बसेको एसईई परीक्षा समन्वय समितिको बैठकले उनीहरूलाई जिम्मेवारीबाट हटाउने निर्णय गरेको हो ।

प्रजिअ अर्यालले माइस्थान विद्यापिठ माध्यमिक विद्यालय वीरगञ्जका केन्द्राध्यक्ष मुनिलाल कर्णले परीक्षाको मर्यादा र अनुशासन परिपालनामा पर्याप्त सावधानी तथा सतर्कता अपनाएको नदेखिएकाले उनलाई सचेत गराउने निर्णय गरिएको बताए । सोही केन्द्रका सहायक केन्द्राध्यक्ष जयप्रकाश सर्राफको गतिविधि शङ्कास्पद देखिएकाले उनलाई परीक्षा अवधिभर उक्त परीक्षा केन्द्रमा प्रवेश नगराउने निर्णय भएको उनको भनाइ छ ।

बैठकले नेपाल राष्ट्रिय माध्यमिक विद्यालय, मसिहानी र नेपाल राष्ट्रिय माध्यमिक विद्यालय, निचुटा परीक्षा केन्द्रमा अभिभावक सङ्घलगायत अनधिकृत व्यक्तिको प्रवेश देखिएकाले उक्त केन्द्रका केन्द्राध्यक्षलाई लिखित रुपमा ध्यानाकर्षण गराउने निर्णय गरेको छ ।

त्यस्तै नेपाल राष्ट्रिय माध्यमिक विद्यालय, मसिहानी केन्द्रमा निरीक्षकका रुपमा खटिएका शिक्षक लालबाबु यादवले परीक्षाको मर्यादाविपरीत कार्य गरेकाले उनलाई निरीक्षकको जिम्मेवारीबाट हटाउने निर्णय गरेको छ ।

सम्बन्धित खबर

शिक्षकविरुद्ध नै नाराबाजी गर्ने व्यक्ति पक्राउ

साहसिक खेलकुदमार्फत खेल पर्यटनको विकास गर्न सकिन्छ : सभामुख घिमिरे

रविको बन्दी प्रत्यक्षीकरण रिट हेर्न नमिल्नेमा

रविको बन्दी प्रत्यक्षीकरणको रिट न्यायाधीश फुयालको इजलासमा

सुनको मूल्यमा नयाँ कीर्तिमान

आन्दोलन नरोक्ने अडानमा शिक्षक, सात बुँदे प्रस्ताव तयार