जनमत र उन्मुक्ति एकताको सबै जिम्मेवारी दुवै पार्टीका नेताहरूलाई, रञ्जिताको मर्यादामा समस्या

होमल्याण्ड खबर

२०८१ चैत्र २४ गते, सोमबार १०:०९ मा प्रकाशित

डा. सीके राउत नेतत्वको जनमत र रेशमलाल चौधरी नेतृत्वको नागरिक उन्मुक्ति पार्टीबिच एकताको सबै जिम्मेवारी दुवै पार्टीका नेताहरूलाई दिइएको छ ।

दुई पार्टीबिचको एकता आगामी वैशाख १५ भित्र गर्ने सैद्धान्तिक सहमति भए पनि नेताहरूको मर्यादामा कुरा नमिलेपछि मिलाउने जिम्मेवारी जनमतका राउत र उन्मुक्तिका चौधरीलाई दिइएको हो ।

एकतापछि पार्टी अध्यक्ष रेशम चौधरी र दोस्रो मर्यादामा जनमतका राउत हुने गरी सहमति भएको उन्मुक्तिका पार्टीका रामलाल डगौराले जानकारी दिए ।

बर्दियामा आइतबार भएको दुईपक्षीय वार्ता कमिटीबिचको छलफलमा चौधरीलाई संरक्षक र राउतलाई कार्यकारी बनाउने सहमति जुटे पनि रञ्जितालाई कुन पद दिने भन्ने नटुंगिएको उनले बताए ।

रेशम संरक्षक र सीके कार्यकारी अध्यक्ष भन्नेमा सहमति जुटेको छ तर रञ्जितालाई सहअध्यक्ष राख्दा अपमान हुन्छ कि भन्ने भएको छ । कानुनी विषय पनि हेरेर दुवै अध्यक्षलाई निर्णय गर्न अधिकार दिएको छ’, डगौराले भने, ‘दुई अध्यक्ष राख्ने कि एक जना अध्यक्ष र अर्को सहअध्यक्ष भन्ने टुंगिएको छैन ।’

जनमतका अध्यक्ष राउत, नाउपाका संरक्षक चौधरीसहित कार्यदलका ६ जनाबिच छलफल भएको हो ।

सम्बन्धित खबर

शिक्षकहरूलाई प्रधानमन्त्रीको आह्वान: सडकमा सुत्न पर्दैन, वार्तामा आउनुस्

मुखमा कालो मास्क लगाएर शिक्षकहरूको मौन प्रदर्शन

रवि लामिछानेलाई रुपन्देहीस्थित जिल्ला अदालतमा उपस्थित गराइँदै

साना देशहरुमाथि जोखिम बढ्दै छः प्रधानमन्त्री ओली

राप्रपाले माग्यो गृहमन्त्रीको राजिनामा

थाइल्यान्डका व्यवसायीहरू नेपालमा लगानी गर्न इच्छुक