१२ बैशाख २०८२, शुक्रबार
२०८२ बैशाख ११ गते, बिहीबार १३:४६ मा प्रकाशित
लोकतन्त्र दिवसको छेक पारेर नेपाली कांग्रेसका नेता डा. शशांक कोइरालाले चियापन कार्यक्रमको आयोजना गरेका छन् । महाराजगञ्जस्थित आफ्नै निवासमा कोइरालाले पार्टीका केही शीर्ष नेताहरूलाई बोलाएका थिए ।
महाधिवेशनको माहोल चलिरहेको बेलामा कोइरालाले संस्थापन पक्षमा रहेका शीर्ष नेतालाई बोलाएर पार्टीभित्र अर्थपूर्ण सन्देश दिन खोजेको बताइन्छ । कोइराला १५ औं महाधिवेशनमा सभापति शेरबहादुर देउवाबाट आशीर्वाद पाउने आशामा छन् ।आजको चियापानमा कृष्ण सिटौला, विमलेन्द्र निधि, विजयकुमार गच्छदार, प्रकाशशरण महतलगायत पुगेका थिए । चियापान कार्यक्रमले पार्टीलाई एकताबद्ध बनाउने सहयोग पुग्ने विश्वास व्यक्त गरे ।
यसअघि आगामी महाधिवेशनमा नेतृत्व हत्याउने दाउमा रहेका कोइरालाले प्रकाशमान सिंह र विमलेन्द्र निधिसँग पटक पटक लञ्च मिटिङ गर्दै आएका थिए । कांग्रेसको १५ औं महाधिवेशन ०८२ मंसिरभित्र भइसक्नुपर्ने हुन्छ। तर, नियमित समयमा महाधिवेशन नहुने निश्चित भइसकेको छ। महाधिवेशन निश्चित नभएपनि नेताहरूले भने दौडधुप बढाइसकेका छन् ।
तर, देउवाले अहिलेसम्म उत्तराधिकारीका लागि कसैलाई तोकेका छैनन् । कांग्रेसमा कोइराला, निधि, सिंहसहित संस्थापन पक्षबाट उपसभापति पूर्णबहादुर खड्का, वरिष्ठ नेता गोपालमान श्रेष्ठ आकांक्षी छन् । इतर पक्षबाट डा. शेखर कोइराला र महामन्त्री गगन थापा आ-आफ्नै तयारीमा छ्न् ।
शेखरले आफ्नै तयारीबाट ब्याक नहुने भएपछि महामन्त्री थापा पछिल्लो समय सभापति देउवासँग नजिकिँएको चर्चा छ । तर, गगनलाई रोक्न संस्थापन पक्षका नेताहरु एकजुट हुने प्रयास गरिरहेको बेलामा शशांकले केही नेताहरूलाई चियापानमा बोलाएर शक्ति प्रदर्शन गर्न खोजेको कांग्रेसवृत्तमा चर्चा छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
