१ जेष्ठ २०८२, बुधबार
२०८२ जेष्ठ १ गते, बुधबार १२:२८ मा प्रकाशित
वाणिज्य बैंकहरूले जेठ महिनाका लागि ब्याजदरको सूची सार्वजनिक गरेका छन् । सूचीअनुसार १४ वटा बैंकले व्यक्तिगत मुद्दतीमा दिने अधिकतम ब्याजदर यथावत् राखेका छन् ।
नेपाल बैंक, एभरेस्ट बैंक र सानिमा बैंकले वैशाखको तुलनामा जेठमा सामान्य ब्याजदर बढाएका छन् । यस्तै नेपाल इन्भेस्टमेन्ट मेगा बैंक, कुमारी बैंक र सिद्धार्थ बैंकले ब्याजदर सामान्य घटाएका छन् ।
समग्रमा व्यक्तिगत मुद्दतीमा दिने औसत ब्याजदर घटेको छ । वैशाख महिनामा व्यक्तिगत मुद्दतीको औसत ब्याजदर ५ दशमलव ९७ प्रतिशत रहेकोमा जेठ महिनामा ५ दशमलव ९५ प्रतिशतमा झरेको छ ।
जेठमा व्यक्तिगत मुद्दती निक्षेपमा सबैभन्दा कम ब्याजदर नेपाल बैंकले ५ दशमलव ४५ प्रतिशत तोकेको छ भने सबैभन्दा धेरै ब्याजदर एभरेस्ट बैंकले ६ दशमलव ६४ प्रतिशत तोकेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
