१ जेष्ठ २०८२, बुधबार
२०८२ जेष्ठ १ गते, बुधबार १६:५१ मा प्रकाशित
शेयर बजार लगातार चौथो कारोबार दिन दोहोरो अङ्कले घटेको छ । शेयर बजार परिसूचक नेप्से आज १३ दशमलव ९६ अङ्कले घटेर २ हजार ६ सय २० दशमलव २७ विन्दुमा झरेको छ ।
आज विकास बैंक र अन्य बाहेक सबै समूहको शेयर घटेकोमा जलविद्युत् समूहको शेयर झन्डै २ प्रतिशत, होटल समूहको शेयर डेढ प्रतिशतले ओरालो लागेको छ ।
आज गुराँस लघुवित्त कम्पनीको शेयर १० प्रतिशत तथा नेपाल माइक्रो इन्सुरेन्स र बाराही हाइड्रोपावर कम्पनीको शेयर ९ प्रतिशतभन्दा धेरैले घटेको छ । समग्रमा बजार ओरालो लागेको दिन ओम मेगाश्री फर्मास्युटिकल्स कम्पनीको शेयर भने १० प्रतिशतले बढेको छ ।
आज नेप्सेसँगै कारोबार रकम पनि घटेको छ । हिजो ९ अर्ब ६३ करोडको कारोबार भएकोमा आज ३ सय १५ वटा कम्पनीका १ करोड ८४ लाख कित्ता शेयर ८ अर्ब ७३ करोड रुपैयाँमा किनबेच भएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
