२५ फाल्गुन २०८२, सोमबार
२०८२ असार २० गते, शुक्रबार १६:१६ मा प्रकाशित
नेपाली कांग्रेसका केन्द्रीय सदस्य तथा राज्य व्यवस्था तथा सुशासन समिति सभापति रामहरि खतिवडाले पार्टीबाट निर्देशन आए पद छोड्न तयार रहेको बताएका छन् ।
संघीय निजामती सेवा विधेयकमा समितिबाट पारित भएको भन्दा फरक प्रावधान राख्दै ‘कुलिङ अफ पिरियड’ व्यवस्था पारित भएपछि खतिवडा विवादमा परेका हुन् । विपक्षी दलहरूले उनको राजीनामा माग गरेका छन् ।
‘सभापतिको हैसियतमा मेरो पनि गल्ती छ,’ पार्टीको केन्द्रीय कार्यसमिति बैठकमा बोल्दै खतिवडाले भने, ‘पार्टीले बाहिर बस् भने म तयार छु ।’
संसदीय समितिको काम कारबाहीलाई बदनाम गर्ने प्रवृत्तिप्रति आपत्ति जनाउँदै उनले विधिसम्मतरूपमा अघि बढ्न आग्रह गरे ।
बैठकमा उनले पार्टी नेतृत्व कमजोर पार्ने प्रवृत्ति बढेको भन्दै चिन्ता व्यक्त गरे ।
‘पार्टी सभापति, उपसभापति, महामन्त्री, केन्द्रीय सदस्यहरूलाई निरन्तर खुइल्याउने क्रमले संगठनलाई क्षति पुर्याउँछ,’ खतिवडाले भने, ‘गगन थापा कमजोर भयो भने अरू को बलियो हुन्छ ?’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
