१४ मंसिर २०८१, शुक्रबार
२०७५ पुष १५ गते, आईतवार १६:१५ मा प्रकाशित
प्रहरी महानिरीक्षक सर्वेन्द्र खनाल निर्मला पन्त बलात्कार–हत्या अनुसन्धानको प्रगति विवरण बुझ्न कञ्चनपुर पुगेका छन् । आईतबार बिहान खनाल अपराध अनुसन्धानमा काविल मानिएका प्रहरी नायव उपरीक्षक (डिएसपी) रुगम कुँवर सहितको टिम लिएर कञ्चनपुर पुगेको प्रहरी महानिरीक्षकको सचिवालयले जनाएको छ ।
खनालले केही दिनअघि प्रहरी प्रधान कार्यालयमा आयोजित पत्रकार सम्मेलनमा जत्तिसुकै शक्तिशाली भएपनि निर्मलाको हत्यारालाई कारवाही गर्ने प्रतिबद्धता ब्यक्त गरेका थिए ।
राष्ट्रियसभाको दिगो विकास तथा सुशासन समितिमा निर्मलाको हत्यारा पक्राउ नपर्दा आफुलाई निन्द्रा समेत नपर्ने गरेको बताएका खनालले निर्मला हत्या अनुसन्धान रिपोर्ट आफैंले प्रत्यक्ष लिँदै आएका छन् ।
महानगरीय अपराध महाशाखामा कार्यरत डिएसपी कुँवरसहित अपराध अनुसन्धानमा काविल मानिने प्रहरी नायव निरीक्षक (सई) गजेन्द्र रावललाई पनि आईजीपी खनालले निर्मला हत्याको अनुसन्धानमा समावेश गरेका छन् ।
आईतबार बिहान कैलालीस्थित नेपाल प्रहरी स्कुल धनगढीको निरीक्षण गरेका खनालले त्यहाँ कार्यरत प्रहरी अधिकृत तथा जवानहरुलाई निर्देशन दिएका थिए । मध्यान्ह जिल्ला प्रहरी कार्यालयमा कार्यरत प्रहरी कर्मचारीहरुलाई ब्रिफिङ गरेका खनालले त्यहँका स्थानीय महिला, समाजसेवी तथा अधिकारकर्मीसँग अन्तरक्रिया गरेका छन् ।
केन्द्रीय अनुसन्धान ब्युरोका प्रमुख डिआईजी निरज शाही नेतृत्वको जम्बो टोलीले निर्मला पन्त बलात्कार–हत्याबारे लामो समयदेखी अनुसन्धान गरिहरेको भएपनि नतिजा आउन सकेको छैन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
