२९ फाल्गुन २०८२, शुक्रबार
२०७५ माघ २५ गते, शुक्रबार ११:२३ मा प्रकाशित
पश्चिमी वायुको न्यून चापीय प्रणालीका कारण बिहीबारदेखि मुलुकभर सुरु भएको वर्षा र हिमपात शुक्रबार पनि जारी रहने मौसम पूर्वानुमान महाशाखाले जनाएको छ ।
महाशाखाका अनुसार शुक्रबार दिउँसो देशका अधिकांश स्थानमा हल्कादेखि मध्यम र एक दुई स्थानमा भारी वर्षाको सम्भावना छ ।
शनिबारसम्म पश्चिमबाट मौसममा केही सुधार देखिने जानकारी दिँदै महाशाखाले पूर्वतिर भने शनिबार पनि अहिलेकै अवस्थाको बदली रहने छ । तर, आइतबार भने तुलनात्मकरुपमा मौसममा केही सुधार आउनेछ ।
काठमाडौं आसपासका क्षेत्रमा आज दिउँसो आकाश केहीबेर खुले पनि पुनः बदली भई वर्षा हुने महाशाखाले जनाएको छ ।
शनिबारसम्म मुलुकभर अधिकांश स्थानमा हल्कादेखि मध्यमखालको वर्षा तथा हिमपात र केही स्थानमा भारी वर्षा तथा हिमपातको सम्भावना देखिएको छ ।
आइतबारबाट भने मौसममा सुधार आउने महाशाखाले जनाइएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
