प्रज्ञा प्रतिष्ठानको रिनोभेसन लागत १७ करोड

होमल्याण्ड खबर

२०७४ फाल्गुन २१ गते, सोमबार ०६:०८ मा प्रकाशित

२०७२ बैशाख १२ गतेको भूकम्पबाट क्षति भएकोको नेपाल प्रज्ञा प्रतिष्ठानजिणोद्धार भइरहेको छ । सदस्य सचिव प्रा.डा. जीवेन्द्रदेव गिरीले प्रज्ञा प्रतिष्ठानको जिर्णोद्धारसँगै बर्षातको पानी जम्मा गर्नका लागि वाटर फाउन्टेन पनि निर्माण गर्ने जानकारी दिए । जिणोद्धार मात्र काम भएकाले भवनको पुरानो डिजाइनमा कुनै परिवर्तन नगरिने छैनन् गिरीले जानकारी दिए । १६ करोड ९८ लाख २७ हजार रुपैयाँ बजेटमा काम गरिरहेको पनि गिरीले बताएका छन् ।

भूकम्पबाट भवनामा क्षति पुगेकाले जिर्णोद्धारलाई प्राथमिकतामा राखेर काम अगाडि बढाइरहेको छ । जिर्णोद्धार गरिने भएकाले भवनको डिजाइनमा कुनै किसिमको परिवर्तन गरिने छैनन् । भूकम्पबाट चर्केका भित्ताहरुलाई बलियो बनाउन रेक्ट्रोफिटिङलाई प्राथमिकतामा राखेर काम गरिँदै छ ।

वाटर फाउन्टेन थपिने

नयाँ संरचनाको रुपमा प्रतिष्ठानको चौरमा बर्षातको पानी संरक्षण गर्नका लागि वटार फाउनटेनको निर्माण गरिनेछ । सो फाउन्टेनमा संकलित हुने पानी अगलागीलगायतका प्राकृतिक विपत्तको सामना गर्नका लागि निर्माण गर्न लागिएको गिरीले बताए । जिर्णोद्धारसँगै ढल र पानीका पाइपलाईनको काम पनि अगाडि बढाइएको छ । पुरानो प्रविधिको प्रयोगगरी निर्माण गरिएका ढल र पानीका पाइपलाईनहरु भूकम्पका कारण भवनमा क्षति हुनुपूर्व नै जिर्ण अवस्थामा पुगिसकेका थिए । हाल भवनको जिर्णोद्धारको समयमा ड्रेनेज र स्यानिटेसनको काम पनि अघि बढाएको प्रा. डा गिरी बताउँछन् । भूकम्पका कारण भवनको छत, भ्याल-ढोका, एयर कन्डिसन, हलको सिट, पर्दा, साउण्ड सिस्टम, विद्युतिय उपकरण, लाइटलगायमा क्षति पुगेको थियो ।

भवनको छतमा क्षति पुगेकाले बर्षातको समयमा पानी छिर्नेलगायतका समस्याहरु देखिएका थिए । अघिल्लो बर्षको बर्षातको समय पानीको समस्याका कारण निकै कष्टपूर्वक बस्नु परेको थियो । सो समस्याबाट बच्नका लागि छत टाल्ने काम पूर्णरुपमा सकिएको गिरीले जानकारी दिए । प्रज्ञा भवनको १२६६ सिट क्षमता भएको प्रेक्षालय ९हल०को सिट क्षमता पनि बढाइने छ । सिट क्षमता बढाएर १३ सयभन्दा माथि बाइने उनको भनाइ छ । बेलाबखत हुने लोडसेडिङको सामना गर्नका लागि सोलार प्यानल जडान गरिने छ ।

प्रज्ञा भवनको जिर्णोद्धारका लागि लामा-समान्तर-शान्ती जेभीसँग २०७४ असार २३ गते २ बर्षभित्रमा निर्माण सक्नेगरी ठेक्का सम्झौता भएको थियो । प्रा.डा गिरीका अनुसार २०७५ असार मसान्तसम्म जिर्णोद्धारको काम सक्नका लागि ठेकेदार कम्पनीलाई निर्देशन दिएको छ । ‘असार मसान्तसम्म जिर्णोद्धार सक्न ठेकेदारलाई निर्देशन दिएका छौं, उनीहरुले पनि असार मसान्तसम्म सक्नेगरी काम गरिरहेका छन्,’ गिरीले भने । ‘विभिन्न संघसंस्थाले दशैं तथा तिहारको कार्यक्रमका लागि हल लिजमा लिइसकेका थिए, त्यस समय जिर्णोद्धारको काम अगाडि बढाउँदा कार्यक्रमहरुमा प्रभाव पर्न सक्नेले केहि ढिलो काम अघि बढेको हो,’ अर्यालले भनिन् ।

प्रज्ञा भवन जिर्णोद्धार आयोजना प्रमृख नन्दन शर्माले असार मसान्तसम्म काम सक्नेगरी काम गरिरहेको बताउँछन् । ‘ठेक्का सम्झौता भएको समयभन्दा ढिलोगरी जिर्णोद्धार गर्ने जिम्मा पाएका छौं, २ बर्षको ठेक्का सम्झौता भएपनि असार मसान्तसम्म सक्नेगरी तीब्र गतिमा काम गरिरहेका छौं,’ शर्माले भने । ठेक्का सम्झौता अनुसार ठेकेदार कम्पनीले २०७६ असार २३ गतेसम्ममा प्रज्ञा भवनको जिर्णोद्धार सम्पन्न भइसक्नुपर्ने छ ।

सम्बन्धित खबर

सेयर बजार २६६७ अंकमा झर्‍यो, घट्यो कारोबार

एमालेले लिन मानेन काठमाडौं महानगरको जरिवाना पत्र

कांग्रेस कोषाध्यक्षमा उमेश श्रेष्ठ मनोनीत

रविमाथि अनुसन्धान गर्न १५ दिन म्याद थप

प्रतिनिधिसभाका सचिव अधिकारीले ५ महिना नपुग्दै दिए राजीनामा

सभामुख घिमिरेद्वारा कम्बोडियन समकक्षीसँग भेट