डाक्टरले मलाई अझै २०/२५ वर्ष केही हुन्न भनेका छन्: प्रधानमन्त्री ओली

होमल्याण्ड खबर

२०७६ श्रावण ३१ गते, शुक्रबार १४:२८ मा प्रकाशित

प्रधानमन्त्री केपी शर्मा ओलीले आफूलाई ज्वरो आएर आराम गर्दा सिकिस्त बिरामी जस्तो पाराले बाहिर हावा समाचार बनेको बताएका छन् ।

गृहजिल्ला झापाका जनप्रतिनिधि तथा पार्टी कार्यकर्ताहरुसँग शुक्रबार बालुवाटारमा भेटेका ओलीले आफू तन्दुरुस्त रहेको र आफुलाई अझै २०/२५ वर्ष केही नहुने डाक्टरले भनेको पनि जानकारी गराएका छन् ।

प्रधानमन्त्री ओलीले भने, ‘हिजो मलाई एकछिन ९९ देखि १०० डिग्री ज्वरो आएको थियो। एउटा सिटामोल खाइदिए पछि सबै निको भयो। तर म सिकिस्त भएजस्तै फैलाइयो।’

प्रधानमन्त्री ओलीले भने, ‘गत हप्ता सिंगापुरमा आँखा, कान, घाँटी र बुढी औंलादेखि कान्छी औंलाका नङसम्म परीक्षण गरेर आएको छु।

डाक्टरले सबै अंग ठीक छ भनेका छन्। अब २०–२५ वर्ष केही हुँदैन भन्छन्। त्यसकारण म बिरामी होइन।’

प्रधानमन्त्री ओलीले भने, ‘म अहिले होइन ,१५ वर्षअघि बिरामी थिएँ। १२ वर्षअघि मृगौला प्रत्यारोपण गरेको हुँ। त्यही कहानीलाई अहिले प्रचार गरिएको छ,’ उनले थप्दै भने, ‘मलाई बिरामी नै भन्ने हो भने पनि म बिरामी हुँदाहुँदै चुनावमा मोर्चा बनाएर पार्टीलाई सफलता दिलाएँ। बिरामी हुँदाहुँदै बहुमत दिलाएँ। सरकार बनाएँ र बिरामी हुँदा हुँदै पार्टी एकिकरण गरें।’

यसअघि प्रधानमन्त्री ओली सिंगापुरमा स्वास्थ्य परीक्षण गराएर सोमबार स्वदेश फर्किएका थिए।

त्यसपछिको दौडधुपले उनलाई बिहीबार ज्वरो आएको थियो। प्रधानमन्त्रीलाई ज्वरो आएपछि हिजो नेकपाको सचिवालय बैठक बस्न सकेको थिएन।

सम्बन्धित खबर

सीके राउतले लिए संसदीय राजनीतिबाट सन्यास

सुनको मूल्य बढ्यो, कतिमा हुँदैछ कारोबार ?

समानुपातिक सांसदको नाम आइतबार निर्वाचन आयोगमा पठाउने एमालेको तयारी

ओलीका पिताको पशुपति आर्यघाटमा दाहसँस्कार गरिँदै, अस्पतालबाट निकालियो शव

इनिशा विक हत्या प्रकरण : दोषीलाई कारबाही नभए देशव्यापी आन्दोलन गर्ने तरुण दलको चेतावनी

अर्थमन्त्री र निजी क्षेत्रका प्रतिनिधिबीच छलफल