रामेछापमा आठौं दिन पनि आन्दोलन जारी

होमल्याण्ड खबर

२०७५ असार ५ गते, मंगलवार ०५:३८ मा प्रकाशित

वीपीमार्गमा १० टन माथिका ढुवानीका साधन सञ्चालनमा प्रतिवन्ध लगाइएको विरोधमा रामेछापमा आठौं दिन पनि आन्दोलन जारी रहेको छ । मंगलबार बिहान रामेछाप सदरमुकाम मन्थलीमा मानव साङ्गलो निकालिएको छ । रामेछाप उद्योग वाणिज्य संघको अगुवाइमा भएको मानव साङ्गलो र्याली मन्थली बजार परिक्रमा गरी देवकोटा चोकमा पुगेर कोणसभामा परिणत भएको थियो ।
कोणसभामा बोल्दै रामेछाप उद्योग वाणिज्य संघका कार्यवाहक अध्यक्ष केशव घिमिरेले आन्दोलनको आठौं दिनसम्म पनि माग सम्बोधन नभएको बताए । उनले अबको आन्दोलन कसरी अघि बढाउने भन्ने विषयमा सर्वपक्षीय बैठक राखेर तय गर्ने जानकारी दिए ।
सर्वाेच्च अदालतले गत जेठ २२ गते बीपी राजमार्गमा १० टन माथिका यातायात साधन सञ्चालन गर्ने सरकारको निर्णय तत्काल कार्यान्वयनमा नल्याउन निर्देशन दिएपछि सिन्धुली प्रशासनले सिन्धुलीदेखि खुर्काेटसम्मको सडकमा ठूला मालबाहक यातायातका साधन सञ्चालनमा रोक लगाएको छ । जसले गर्दा रामेछापमा उपभोग्य र निर्माण सामाग्री अभाव भएको छ ।

सम्बन्धित खबर

८ करोडको लागतमा त्रिशूलीमा नयाँ पुल निर्माण

आज पनि ह्वात्तै घट्यो सुनको मूल्य, कतिमा हुँदैछ कारोबार ?

पर्यटनमन्त्री बद्री पाण्डेमाथि करोडौं घुस लिएको आरोप

आज तोलामा २४ सयले घट्यो सुनको मुल्य

राष्ट्रपति पौडेल र संयुक्त राष्ट्रसंघका महासचिव गुटेरसबिच भेटवार्ता

सेयर बजार आज २२ अंकले बढ्यो