३ चैत्र २०८२, मंगलवार
२०७९ चैत्र ५ गते, आईतवार १४:२६ मा प्रकाशित
नेकपा एकीकृत समाजवादी पार्टी सरकारमा सहभागी हुने भएको छ ।
आइतबार बसेको एकीकृत समाजवादीको सचिवालय बैठकले प्रधानमन्त्री पुष्पकमल दाहाल प्रचण्डलाई विश्वासको मत दिएर सरकारमा जाने निर्णय गरेको हो । प्रधानमन्त्री प्रचण्डले भोलि सोमाबार प्रतिनिधिसभामा विश्वासको मत लिँदैछन् ।
त्यस्तै आजको प्रतिनिधिसभा बैठकबाट सत्ता पक्षको बेन्चमा बस्ने निर्णय पनि एकीकृत समाजवादीले गरेको पार्टी प्रवक्ता जगन्नाथ खतिवडाले बताए । प्रतिनिधिसभामा एकीकृत समाजवादीका १० जना सांसद छन् ।
एकीकृत समाजवादी सरकारमा सहभागी हुने निर्णयमा पुगे पनि कुन–कुन मन्त्रालय लिने र प्रदेश सरकारहरुमा कसरी सहभागी हुने भन्ने विषयमा टुंगोमा पुगेको छैन ।
बैठकपछि पत्रकारसँग कुरा गर्दै प्रवक्ता खतिवडाले भने– ‘सरकारमा सहभागी हुने भन्ने विषयमा दुईमत छैन । तर, कुन–कुन मन्त्रालय लिने र प्रदेश सरकारहरुमा कसरी सहभागी हुने भन्ने विषय छलफलकै क्रममा रहेको छ ।’
संघीय सरकारमा सहभागी हुने सवालमा एकीकृत समाजवादीले कम्तिमा ४ त्यसमा पनि रोजेको मन्त्रालय पाउनुपर्ने भन्दै आएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
