२४ बैशाख २०८३, बिहीबार
२०८० भाद्र ११ गते, सोमबार १२:४६ मा प्रकाशित
धनगढीस्थित स्वस्तिक मल्टिस्पिसियालिटी अस्पताल प्रालिमा एक जना बिरामी मृत्यु भएको छ।
कञ्चनपुरको बेलौरी नगरपालिका १० शिवनगरका ५५ वर्षीय ऐजनलाल चौधरी पत्थरीको अप्रेसनको क्रममा मिर्गौला झिकेपछि उनको मृत्यु भएको हो ।
अस्पतालको लापरबाहीले बिरामीको मृत्यु भएको र सत्य तथ्य छानबिनको माग गर्दै आफन्तले जिल्ला प्रहरी कार्यालय कैलालीमा अस्पताल र डाक्टर विरुद्ध उजुरीको तयारी गरेका छन् ।
मृतक चौधरीका भतिजा राजकुमार चौधरीका अनुसार दुबै किड्नीमा पत्थरीले गर्दा समस्या आएपछि भदौ ९ गते शनिबार बिहान बिरामीलाई अस्पताल भर्ना गरिएको थियो। उनको बायाँ किड्नीमा ११ एमएम र ९ एमएम गरी २ वटा पत्थरी थिए भने दायाँ किड्नीमा साढे ९ एमएमको पत्थरी थियो।
अस्पतालका डाक्टर जोनस तिवारीले बायाँ किड्नीको पत्थरीको अप्रेसनको क्रममा किड्नी नै झिक्दा अत्याधिक रक्तश्राव भइ बिरामीको मृत्यु भएको हो।
मृतकका भतिजा राजकुमारले भने, ‘सबै परीक्षणपछि अप्रेसनको लागि अप्रेसन थेटर लगियो। सुरुमा अप्रेसन सफल भयो भनियो तर साँझ बिरामी बेहोस भए। उनको पेट पुरै फुल्यो। बुझ्दा किड्नीको नशा काटिएर रक्तश्राव भएको रहेछ। पछि पुनः डाक्टरले अप्रेसन गरे र किड्नी नै झिकिदिए। बिरामीको अवस्था झन बिग्रियो। त्यसपछि डाक्टरले अब सकिँदैन भनेर निस्किए।’
अस्पतालका अध्यक्ष महेश जोशीले भने अप्रेसनका क्रममा मृत्यु हुनुको कारण अहिलेनै भन्न नसकिने बताएका छन्।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
