९ मंसिर २०८१, आईतवार
२०८० भाद्र १३ गते, बुधबार २२:१६ मा प्रकाशित
बुधबारदेखि सुरु भएको एसिया कपको उद्घाटन खेलमा नेपाल पाकिस्तानसँग पराजित भएको छ।
पाकिस्तानको मुल्तान क्रिकेट मैदानमा भएको खेलमा नेपाल २३८ रनको फराकिलो अन्तरले पराजित भएको हो।
पाकिस्तानले निर्धारित ५० ओभरमा ६ विकेट गुमाउँदै ३४२ रन बनाएको थियो। ३४३ रनको विशाल लक्ष्य पछ्याएर ब्याटिङमा उत्रिएको नेपाल २३ ओभरमै अलआउट हुन पुग्यो। नेपालले २३ दशमव ३ ओभरमा १०४ रन मात्र बनाउन सक्यो।
अब नेपालले एसिया कप अन्तर्गत दोस्रो खेल १८ गते श्रीलंकाकी क्यान्डीमा भारतविरुद्ध खेल्नेछ।
पाकिस्तानका लागि सदाब खानले सर्वाधिक ४ तथा शाहिन शाह अफ्रिदी र ह्यारिस रौफले २/२ विकेट लिए। नसिम शाह र मोहम्मद नवाजले एक/एक हात लिए।
नेपालका सोमपाल कामीले २८ र आरिफ शेखले २७ रन बनाउनबाहेक अन्य ब्याटर पाकिस्तानी बलरका अगाडि निरिह रहे।
नेपालले पहिलो ओभरमै दुई विकेट गुमाएको थियो। त्यसपछि क्रिजमा आएका कप्तान रोहित पौडेल दोस्रो ओभरमा शू्न्य रनमा आउट भए।
गुल्सन झाले १३ रन बनाए भने सन्दीप लामिछानेले शून्यमा आउट भए।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
