५ मंसिर २०८१, बुधबार
२०८० आश्विन ९ गते, मंगलवार ११:०३ मा प्रकाशित
समिट एयरलायन्सको जहाजले ‘भीआईपी यात्रु’को दबाबमा अग्रिम टिकट बुकिङ गरेका १६ जना चिकित्सकलाई मुगु विमानस्थलमै छोडेर नेपालगञ्ज उडेको छ।
कर्णाली प्रदेशका पूर्वमुख्यमन्त्री महेन्द्रबहादुर शाहीसहितको टोली आएपछि अग्रिम टिकट बुकिङ गरेका चिकित्सकहरू छोडेर समिटको जहाज नेपालगञ्ज उडेको डा. सुरज बज्राचार्यले जानकारी दिए ।
आफूहरूलाई मुगुको ताल्चा विमानस्थलमा छोडेर जहाज नेपालगञ्ज उडेको उनले बताए।
जहाजमा माओवादी नेताहरू पूर्वमुख्यमन्त्री शाहीसहित माओवादी केन्द्रका नेता तथा पूर्वमन्त्री मातृका यादव, विमला केसी, धर्म शाही र प्रकाशबहादुर शाही नेपालगन्ज उठेका छन् ।
तर, अग्रिम टिकट लिएका उनीहरूलाई भने विमानस्थलमै छोडिएको छ । भिआईपीहरूको दबाबमा आफूहरूलाई छोडेर जहाज गएको उनले बताए । ‘हामीले जति अनुरोध गर्दा पनि केही चलेन,’ उनले भने,’नेताहरूको दबाबमा उहाँहरूलाई लग्यो । हामीलाई यतै छोडियो ।’
डा. बज्राचार्यसहित व्यापक पौडेल, विमल कुमार पाण्डे, गौरवराज ढकाललगायत १६ जना चिकित्सक विमानस्थलमै अलपत्र परेका छन् । चिकित्सकहरूको टोली मुगुबाट नेपालगन्ज फर्किने तयारीमा थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
