२३ बैशाख २०८३, बुधबार
२०८० आश्विन २२ गते, सोमबार १२:४३ मा प्रकाशित
इजरायलमा प्यालेस्टानी लडाकु समूह हमासको आक्रमणमा परी ज्यान गुमाएका नेपाली विद्यार्थीका परिवारलाई सुदूरपश्चिम प्रदेश सरकारले २ लाख रुपैयाँ राहत दिने भएको छ।
सोमबार एक विज्ञप्ति जारी गर्दै मुख्यमन्त्री कमल बहादुर शाहले ज्यान गुमाएका सुदूरपश्चिमका विद्यार्थीहरूका परिवारलाई २ लाख रुपैयाँ उपलब्ध गराउने बताएका छन्।
मुख्यमन्त्री शाहले हस्ताक्षर गरेको विज्ञप्तिमा इजरायलबाट शव ल्याउन सहजीकरण गरिदिन संघीय सरकारलाई अनुरोध गरिनुका साथै ज्यान गुमाउनेका परिवारलाइ रकम दिने जनाइएको छ।
शनिबार बिहान हमास समूहले इजरायलमा आक्रमण गरेको थियो। जसमा १० जना नेपालीको ज्यान गएको थियो। ज्यान गुमाउनेमध्ये ७ जना सुदूरपश्चिम प्रदेशका छन्।
सुदूरपश्चिम विश्वविद्यालय कृषि विज्ञान संकायका अधिकांश विद्यार्थीहरु हमासकाे आक्रमणमा परेका छन्।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
