९ मंसिर २०८१, आईतवार
२०७६ बैशाख २५ गते, बुधबार १५:०६ मा प्रकाशित
एजेन्सीः मध्य अमेरिकामा पर्ने ग्वाटेमालामा प्रहरीले जेलभित्रै अन्दाधुन्दा गोली चलाउंदा ७ कैदीको मृत्यु भएको छ। अन्य २० जना घाइते भएका छन्।
मंगलबार राजधानी ग्वाटेमाला सिटीस्थित पाभोन जेलमा कैदहरुबीचको भएको हिंस्रक झडपलाई नियन्त्रणमा लिन प्रहरीले जेलभित्रै गोली प्रहार गर्नुपरेको जनाएको छ।
स्थितीलाई नियन्त्रणमा लिन उक्त जेलमा १५ सय सेना तथा प्रहरी खटाइएको बताइएको छ । एक हजार कैदी राख्ने क्षमताको उक्त जेलमा ४ हजार कैदीहरु राखिएका छन्।
अमेरिकी अधिकारीहरुका अनुसार, मंगलबार दुई कैदीको झडपले विभिन्न समूहबीच हिंस्रक झडपको अवस्था निम्तिएको थियो।
८ घन्टासम्म जेलमा भएको सो झडपमा १५ सय सेना तथा परिचालन भएपछि भने अवस्था नियन्त्रणमा आएको हो।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
