९ मंसिर २०८१, आईतवार
२०७६ जेष्ठ २२ गते, बुधबार १४:५६ मा प्रकाशित
एजेन्सी । आईसीसी एकदिवसीय विश्वकप क्रिकेटमा भारतविरुद्ध दक्षिण अफ्रिकाले टस जितेर पहिले ब्याटिङ गर्ने निर्णय गरेको छ । साउथह्याम्पटनस्थित द रोजमा केहि बेरमा भारतले दक्षिण अफ्रिकाविरुद्ध बलिङ गर्नेछ ।
भारत आजको खेलमा दक्षिण अफ्रिकालाई हराउँदै प्रतियोगितामा उत्कृष्ट सुरुवात गर्ने योजनामा छ । बलियो टोली तथा विश्वकप विजेताको रुपमा मानिएको भारतको यो पहिलो खेल हो । अनुभवी खेलाडी सम्मिलित भारत तेस्रो विश्वकपको उपाधिका लागि सुरुआत नै रोमाञ्चक बनाउन चाहन्छ ।
उत्कृष्ट प्रदर्शन तर हारको बाबजुद चोटमा समेत ग्रसित दक्षिण अफ्रिका भारतलाई हराउँदै प्रतियोगितामा पुनरागमन गर्ने लक्ष्यमा रहनेछ । भारतसँग खेल्नु एकदिन अघिमात्र मंगलबार अफ्रिकाका डेल स्टेन टोलीबाट बाहिरिँदा दक्षिण अफ्रिकालाई केही असहज हुनेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
