१० मंसिर २०८१, सोमबार
२०७६ श्रावण १७ गते, शुक्रबार १६:३५ मा प्रकाशित
थाइल्याण्डको राजधानी बैंककका ६ स्थानमा श्रृङ्खलाबद्ध बम विस्फोट भएको छ । सानो आकारका ती बम विस्फोटका कारण ३ जना घाइते भएका छन् ।
यी बिस्फोटहरु जनधनको ठूलो क्षति पु¥याउन भन्दा पनि सरकारविरुद्ध सांकेतिक विरोध गर्नका लागि गराइएको हुन सक्ने अन्तर्राष्ट्रिय सञ्चारमाध्यमले जनाएका छन् ।
दक्षिण पूर्वी एसियाली संगठन (आसियान) को मन्त्रीस्तरीय सुरक्षा बैठक चलिरहेका बेला बम विस्फोट भएको हो । अमेरिकी विदेशमन्त्री माइक पम्पेओ समेत सहभागी उक्त बैठकमा उनले सम्बोधन गर्नुअघि बम विस्फोट भएको हो ।
थाई प्रधानमन्त्री प्रयुथ चान–ओ–चाले बम बिस्फोटका घटनाको तत्काल अनुसन्धान गरी दोषीमाथि कडा कानूनी कारबाही गर्न निर्देशन जारी गरेका छन् । त्यस्तै थाइल्याण्ड सरकारले मुलुकको सुरक्षा व्यवस्थालाई कडा बनाइएको र आम जनतालाई भयभित नहुन आह्वान गरेको छ ।
थाइल्यान्ड सरकारले बम आक्रमणबारे जथाभावी हल्ला नफिजाउन समेत आह्वान गरेको छ । बम विस्फोटनको उद्देश्य र यसमा कुन समूहको संलग्नता छ भन्नेबारे अझै स्पष्ट भइसकेको छैन । बम विस्फोटको जिम्मा पनि हालसम्म कुनै समूहले लिइसकेको छैन ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
